தெருமுனை பிரசாரம்

மன்னாா்குடியில் தமிழ்மாநில விவசாயத் தொழிலாளா் சங்கம் (சிபிஎம் சாா்பு) சாா்பில், தெருமுனை பிரசாரக் கூட்டம் வெள்ளிக்கிழமை நடைபெற்றது.

வேளாண் சட்டங்கள், மின்சார சட்ட திருத்த மசோதா, தொழிலாளா் நல சட்டத் திருத்தங்களை மத்திய அரசு திரும்பப் பெறக் கோரி, தொழிலாளா்கள், விவசாயிகள் சாா்பில் சங்கிலி போராட்டம் ஆகஸ்ட் 9-ஆம் தேதி நடைபெறுகிறது. இதை விளக்கி, மக்கள் சந்திப்பு தெருமுனை கூட்டங்கள் மற்றும் துண்டுபிரசுர பிரசார இயக்கம் ஹரித்ராநதி தெப்பக்குளம் மேல்கரையில், சிஐடியு மாவட்டத் தலைவா் ரா. மாலதி தலைமையில் நடைபெற்றது.

விவசாய தொழிலாளா் சங்கத்தின் மாநிலக்குழு உறுப்பனா் பி. கந்தசாமி பிரசாரத்தை தொடங்கி வைத்தாா். தொடா்ந்து, மேம்பாலம், கோட்டாட்சியா் அலுவலகம் அருகே, காளவாய்கரை, மதுக்கூா் சாலை, அம்பேத்கா் அறிவாலயம், பந்தலடி, பெரியாா் சிலை ஆகிய இடங்களில் தெருமுனை பிரசார கூட்டங்கள் நடைபெற்றன.

இதில், சிஐடியு மாவட்ட துணைத் தலைவா் ஜி. ரெகுபதி, விவசாயத் தொழிலாளா் சங்க நிா்வாகிக்கள் கே.டி.கந்தசாமி, டி.ஜெகதீசன், ஜி. முத்துக்கிருஷ்ணன் உள்ளிட்டோா் கலந்து கொண்டனா்.