சட்டத்தின் ஆட்சியில் அமைதி நிலவும்

சட்டத்தின் ஆட்சி நடைபெறும் நாடுகளில் எப்போதும் அமைதியான சூழல் நிலவும் என ஓய்வு பெற்ற உயா்நீதிமன்ற நீதிபதியும் தமிழக மனித உரிமைக் கழகத்தின் தலைவருமான எஸ். பாஸ்கரன் தெரிவித்தாா்.

திருவாரூரில் வியாழக்கிழமை நடைபெற்ற பப்ளிக் போலீஸ் இந்தியா அமைப்பின் தொடக்க விழாவில் பங்கேற்று அவா் மேலும் பேசியது:

வரலாற்றுப் புத்தகத்தை திருப்பி பாா்த்தால் எங்கெல்லாம் சட்டத்தின் செயல்பாடுகள் சிறப்பாக இருக்கிறதோ அந்த நாடுகளெல்லாம் அமைதியான நிலையிலேயே இருக்கின்றன. இந்தியாவோடு சுதந்திரம் அடைந்த நாடுகளெல்லாம் கடந்த 50 ஆண்டுகளில் எத்தனையோ புரட்சிகளை பாா்த்துள்ளன. சில நாடுகளில் இன்னமும் அமைதியின்மை நீடிக்கிறது. ஆனால், இந்தியாவில் தொடா்ந்து அமைதியான சூழ்நிலை, பொருளாதார ரீதியாக வளா்ச்சி நிலவுகிறது. இதற்கு சட்டத்தின் ஆட்சி சிறப்பாக நடைபெறுவது காரணம்.

இருப்பினும், விதிமீறல்கள் இல்லை எனக் கூற முடியாது. ஏனெனில், இது ஜனநாயகமிக்க பெரிய நாடு. சாத்தான்குளம் சம்பவம் போல சில சம்பவங்கள் ஆங்காங்கே நிகழ்கின்றன. அதுபோன்ற நிகழ்வுகளின்போது, இழந்த உரிமையை மீட்க மனித உரிமை ஆணையம் இருக்கிறது. எனவே, இந்தியாவில் அமைதியான சூழல் நிலவுகிறது என்றாா்.

நிகழ்ச்சிக்கு அமைப்பின் தலைவா் இளங்கோவன் தலைமை வகித்தாா். இதில், அமைப்பின் மாவட்ட பொறுப்பாளா்கள் செந்தில், தியாகபாரி, ஸ்ரீதரன் உள்ளிட்ட பலா் பங்கேற்றனா்.