பள்ளிகள் திறப்பு

 பள்ளிகள் திறக்க இருப்பதால், கரோனா காரணமாக நிறுத்தப்பட்டுள்ள அனைத்து பயணிகள் ரயில்களையும் மீண்டும் இயக்க வேண்டும் என கோரிக்கை விடுக்கப்பட்டுள்ளது.

இதுகுறித்து திருவாரூா் மாவட்ட ரயில் உபயோகிப்போா் சங்க பொதுச் செயலா் ப. பாஸ்கரன் வெளியிட்ட அறிக்கை:

மயிலாடுதுறை- திருவாரூா்- திருச்சி- காரைக்கால் தடங்களில் முன்பதிவு சிறப்பு விரைவு ரயில் சேவையை ஆக.30 ஆம் தேதி முதல் வழங்க ரயில்வே நிா்வாகம் முடிவு செய்துள்ளதாகத் தெரிகிறது. செப்டம்பா் 1 முதல் பள்ளிகள், கல்லூரிகள் தொடங்கப்பட உள்ள நிலையில், மாணவா்களின் நலன் கருதியும் பயணிகள் மற்றும் அலுவலகத்தில் பணிபுரிவோா் நலன் கருதியும் கரோனா காலத்தில் நிறுத்தப்பட்டுள்ள அனைத்து பயணிகள் ரயில்களையும் முன்பு போலவே அதே நேரத்தில் இயக்க வேண்டும்.

தவிர காரைக்கால்-திருவாரூா்- தஞ்சை-திருச்சி மாா்க்கத்திலும், மயிலாடுதுறை-திருவாரூா், மயிலாடுதுறை- விழுப்புரம் மாா்க்கத்திலும், மயிலாடுதுறை- கும்பகோணம்- தஞ்சை மாா்க்கத்திலும் அனைத்து பயணிகள் ரயில்களும் இரு மாா்க்கத்திலும் இயக்க உடனடியாக நடவடிக்கை எடுக்க வேண்டும் எனத் தெரிவிக்கப்பட்டுள்ளது.