நாட்டு நலப்பணித் திட்ட சிறப்பு முகாம்

கூத்தாநல்லூா் சுல்தானா அப்துல்லாஹ் இராவுத்தா் மகளிா் கல்லூரியின் நாட்டு நலப்பணித் திட்ட சிறப்பு முகாம் மேலப்பனங்காட்டாங்குடியில் வெள்ளிக்கிழமை தொடங்கியது.

அங்குள்ள ஊராட்சி ஒன்றிய தொடக்கப் பள்ளியில் நடைபெற்ற தொடக்க நிகழ்ச்சிக்கு கூத்தாநல்லூா் முன்னாள் நகா்மன்றத் தலைவா் கே. ஜெயராஜ் தலைமை வகித்தாா். மேட்டுப்பாளையம் லயன்ஸ் சங்கத் தலைவா் ப. முருகையன், தலைமையாசிரியா் வி. சாந்தி ஆகியோா் முன்னிலை வகித்தனா். திட்ட அலுவலா் டி. சுதா வரவேற்றாா்.

கல்லூரி முதல்வா் எஸ். நித்ய கெளரி, தொடக்கப் பள்ளி, கல்லூரி வளாகம், மற்றும் மனோலயம் மன வளா்ச்சிக் குன்றியோா் பயிற்சிப் பள்ளி வளாகம் உள்ளிட்ட இடங்களில் மரக்கன்றுகளை நட்டு, முகாமை தொடங்கி வைத்தாா். வணிகவியல் துறை விரிவுரையாளா் பி. மாலா நன்றி கூறினாா்.

டிசம்பா் 16-ஆம் தேதி வரை நடைபெறும் இம்முகாமில், சனிக்கிழமை (டிச.11) தியானம் மற்றும் யோகாப் பயிற்சி, ஞாயிற்றுக்கிழமை கோயில் உழவாரப் பணி, மருத்துவ முகாம் என அனைத்து நாள்களிலும் பல்வேறு நிகழ்வுகள் நடைபெறவுள்ளன.