திருவாரூா் அருகே வீட்டின் பின்பக்கக் கதவை உடைத்து நகை, ரொக்கம் திருடப்பட்டது ஞாயிற்றுக்கிழமை தெரியவந்தது.

திருவாரூா் அருகே குளிக்கரை, ஒட்டக்குடி பகுதியைச் சோ்ந்தவா் ஆறுமுகம் (62). ஓட்டு வீட்டில் வசித்துவரும் இவா், மருத்துவ சிகிச்சைக்காக சனிக்கிழமை மருத்துவமனைக்கு சென்றிருந்தாா். இந்நிலையில், ஞாயிற்றுக்கிழமை மாலை வீட்டுக்கு வந்து பாா்த்தபோது, பின்பக்கக் கதவு உடைக்கப்பட்டிருந்தது தெரியவந்தது. மேலும் பீரோவும் உடைக்கப்பட்டு அதிலிருந்த நகை, பணம் ஆகியவையும் திருடு போயிருந்தது. 12 பவுன் நகை, ரூ. 9 ஆயிரம் ரொக்கம் திருட்டு போனதாக கூறப்படுகிறது. புகாரின்பேரில் கொரடாச்சேரி போலீஸாா் விசாரித்து வருகின்றனா்.