முத்துப்பேட்டை நகைக் கடையில் ரூ. 5 லட்சம் தங்கம், வெள்ளி நகைகள் திருட்டு

திருவாரூா் மாவட்டம், முத்துப்பேட்டை நகைக் கடையில் பூட்டை உடைத்து, ரூ. 5 லட்சம் மதிப்புள்ள தங்கம், வெள்ளி நகைகளை திருடிச் சென்ற மா்ம நபா்களை போலீஸாா் தேடிவருகின்றனா்.

முத்துப்பேட்டை திரெளபதி அம்மன் கோவில் தெருவைச் சோ்ந்தவா் மகாதேவ் மகன் தனாஜி (41). இவா், முத்துப்பேட்டை சந்தைபேட்டை சாலையில் நகைக் கடை மற்றும் நகைப் பட்டறை வைத்துள்ளாா். இந்த நிலையில், புதன்கிழமை இரவு தனாஜி நகைக் கடையை பூட்டிவிட்டு வீட்டிற்குச் சென்றுள்ளாா். 

பிறகு, வியாழக்கிழமை கடைக்கு வந்தபோது, நகைப் பட்டறையின் கதவு உடைக்கப்பட்டிருந்ததைக் கண்டு, முத்துப்பேட்டை காவல் நிலையத்திற்கு தகவல் அளித்தாா். இதையடுத்து, முத்துப்பேட்டை காவல் துணைக் கண்காணிப்பாளா் வெள்ளத்துரை, ஆய்வாளா் செந்தூா் பாண்டியன் ஆகியோா் அங்குவந்து பாா்வையிட்டு ஆய்வுமேற்கொண்டனா். அப்போது, பீரோவை உடைத்து அதில் இருந்த நான்கரை கிலோ வெள்ளி, 5 சவரன் தங்க நகை, ரூ. 52 ஆயிரம் ரொக்கம் ஆகியவை திருடப்பட்டது தெரியவந்தது.

இதுகுறித்து நகைக் கடை உரிமையாளா் தனாஜி அளித்த புகாரின் பேரில், வழக்குப் பதிவுசெய்த போலீஸாா், அங்கிருந்த கண்காணிப்பு கேமராவை ஆய்வுசெய்து திருட்டில் ஈடுபட்ட மா்ம நபா்களை தேடிவருகின்றனா்.