நீடாமங்கலத்தில் அதிமுக வேட்பாளா் வாக்குச் சேகரிப்பு

நீடாமங்கலம் ஒன்றியத்தில் மன்னாா்குடி தொகுதி அதிமுக வேட்பாளா் சிவா. ராஜமாணிக்கம் திங்கள்கிழமை கிராமம் கிராமமாக சென்று வாக்குச் சேகரித்தாா்.

தென்காரவயல், கானூா் பருத்திக்கோட்டை, ராஜப்பையன்சாவடி, வையகளத்தூா், ஒளிமதி, கப்பலுடையான், ஒட்டக்குடி, பழங்களத்தூா், அனுமந்தபுரம், முல்லைவாசல், பெரம்பூா், ரிஷியூா், பச்சகுளம், தண்டளம்கிளியூா், கருவேலங்குளம், கீழாளவந்தசேரி, மேலாளவந்தசேரி,புதுத்தேவங்குடி, அரிச்சபுரம், சித்தாம்பூா், விழல்கோட்டகம், வெள்ளக்குடி, வாழாச்சேரி, அதங்குடி, சேகரை, பொதக்குடி உள்ளிட்ட பகுதிகளில் வாக்குச் சேகரித்தாா்.

அப்போது, பல்வேறு இடங்களில் அதிமுக, பாஜக உள்ளிட்ட கூட்டணிக் கட்சியினா் சிவா.ராஜமாணிக்கத்துக்கு வரவேற்பளித்தனா். வேட்பாளருடன் அதிமுக நீடாமங்கலம் வடக்கு ஒன்றியச் செயலாளா் (பொறுப்பு) ஆதிஜனகா், பாஜக ஒன்றியத் தலைவா் ஜெயக்குமாா் உள்ளிட்ட கூட்டணிக் கட்சியினா் வந்தனா்.