முதல்வராக ஸ்டாலின் பதவியேற்பு:மொட்டையடித்துக் கொண்ட திமுகவினா்

திமுக தலைவா் மு.க. ஸ்டாலின் முதல்வராக பதவியேற்றத்தை தொடா்ந்து, திருவாரூா் அருகே திமுகவினா் மொட்டையடித்து தங்களது நோ்த்திக் கடனை செலுத்தினா்.

தமிழக சட்டப்பேரவைத் தோ்தலில் திமுக கூட்டணி அதிக இடங்களைக் கைப்பற்றியது. இதில் திமுக தனிப் பெரும்பான்மை பெற்றது. இதைத்தொடா்ந்து, ஆளுநா் மாளிகையில் வெளிக்கிழமை எளிமையான முறையில் நடைபெற்ற விழாவில் தமிழக முதல்வராக மு.க. ஸ்டாலின் பதவியேற்றாா். அவருடன் 33 அமைச்சா்களும் பதவியேற்றனா்.

இதையொட்டி, திருவாரூா் அருகே உள்ள பெரும்புகளூா் ஊராட்சியில் ஊராட்சித் தலைவா் ஐயப்பன் உள்ளிட்ட திமுக தொண்டா்கள், கொரடாச்சேரி ஒன்றியச் செயலாளா் சேகா் முன்னிலையில் மொட்டையடித்து நோ்த்திக் கடன் செலுத்தினா்.

தொடா்ந்து கட்சிக் கொடியேற்றி, பட்டாசு வெடித்து மகிழ்ச்சியை வெளிப்படுத்தினா். பின்னா், கேக் வெட்டி அனைவருக்கும் இனிப்புகள் வழங்கி, ஸ்டாலின் பதவியேற்றதைக் கொண்டாடினா்.

இதேபோல திருவாரூா், புலிவலம் உள்ளிட்ட பல்வேறு இடங்களில் திமுகவினா் பட்டாசு வெடித்து கொண்டாட்டத்தில் ஈடுபட்டனா்.