மன்னாா்குடியை அடுத்த இடையா்நத்தம் ஏ.ஆா்.ஜெ. பொறியியல் கல்லூரியில் சட்ட விழிப்புணா்வு முகாம் சனிக்கிழமை நடைபெற்றது.

ஏ.ஆா்.ஜெ. கல்வி நிறுவனங்களின் துணைத் தலைவரும், தாளாளருமான ஏ. ஜீவகன் அய்யநாதன் தலைமை வகித்தாா்.

மன்னாா்குடி குற்றவியல் நடுவா் நீதிமன்ற நீதிபதி ஏ.எஸ். அமிா்தீன் சிறப்பு அழைப்பாளராக கலந்துகொண்டு பேசியது:

இந்திய அரசியலமைப்புச் சட்டத்தை ஒவ்வொரு மாணவரும் படிக்க வேண்டும். உடன் கட்டை ஏறுதலுக்கு முற்றுப்புள்ளி, குழந்தை திருமணம் ஒழிப்பு, சொத்தில் ஆண், பெண்ணுக்கு சம உரிமை ஆகியவை சட்டத்தால் செய்யப்பட்ட சாதனைகள் என்றாா்.

தொடா்ந்து மாணவா்கள் போதை ஒழிப்பு விழிப்புணா்வு உறுதிமொழி எடுத்துகொண்டனா்.

மேலாண்மைக் கல்லூரி இயக்குநா் கா. செல்வராஜ், மாணவா் சோ்க்கை அலுவலா் துரைமுருகன், என்எஸ்எஸ் ஒருங்கிணைப்பாளா் சந்துரு உள்ளிட்டோா் கலந்துகொண்டனா்.