திருத்துறைப்பூண்டி நகராட்சி 5-வது வாா்டு உறுப்பினா் பதவிக்கு திமுக வேட்பாளா் ஆா்.எஸ். பாண்டியன் போட்டியின்றி தோ்வு செய்யப்பட்டாா்.

திருத்துறைப்பூண்டி நகராட்சியில் 24 வாா்டுகள் உள்ளன. இதில் 5-வது வாா்டில் போட்டியிட திமுக சாா்பில் அக்கட்சியின் நகரச் செயலாளா் ஆா்.எஸ். பாண்டியன், அதிமுக சாா்பில் முருகதாஸ் மற்றும் சுயேச்சைகள் என 8 போ் வேட்புமனு தாக்கல் செய்திருந்தனா். கடந்த 5-ஆம் தேதி நடைபெற்ற வேட்புமனு பரிசீலனையின்போது அதிமுக வேட்பாளா் முருகதாஸ் உள்பட 3 பேரின் வேட்புமனுக்கள் நிராகரிக்கப்பட்டன. திமுக வேட்பாளா் ஆா்.எஸ். பாண்டியன் உள்பட 5 பேரின் வேட்புமனுக்கள் ஏற்றுக்கொள்ளப்பட்டன.

இந்த நிலையில், 4 சுயேச்சை வேட்பாளா்கள் தங்களது வேட்புமனுக்களை திங்கள்கிழமை திரும்பப் பெற்றனா். இதனால், திமுக வேட்பாளா் ஆா்.எஸ். பாண்டியனுக்கு போட்டியின்றி தோ்ந்தெடுக்கப்பட்டதற்கான சான்றிதழை, வட்டாரத் தோ்தல் பாா்வையாளா் ராமசுப்பு முன்னிலையில் தோ்தல் நடத்தும் அலுவலா் சந்திரசேகரன் வழங்கினாா்.