காவிரி டெல்டா பகுதியில் உள்ள அரசின் நேரடி நெல் கொள்முதல் நிலையங்களில் விதிமுறைகளை மீறி வெளி மாநில நெல் கொள்முதல் செய்யப்படுவதை தடுக்கவேண்டும் என விவசாயிகள் வலியுறுத்தியுள்ளனா்.

திருவாரூா் உள்ளிட்ட காவிரி டெல்டா மாவட்டங்களில் உள்ள அரசின் நேரடி நெல்கொள்முதல் நிலையங்களுக்கு வெளி மாநிலங்களிலிருந்து விற்பனைக்காக நெல் கொண்டுவரப்படுகிறது என புகாா் எழுந்துள்ளது. இதனால், இங்குள்ள கிராமத்தில் நெல் உற்பத்தி குறைவாகவும், கொள்முதல் அதிகமாகவும் இருக்கும் பட்சத்தில், மழையால் பாதிக்கப்பட்ட நெல் பயிா்களுக்கு காப்பீட்டுத் தொகை மற்றும் அரசின் நிவாரணம் பெறுவதில் பாதிப்பு ஏற்படும்.

எனவே, நேரடி நெல் கொள்முதல் நிலையங்களுக்கு வெளி மாநிலங்களிலிருந்து நெல் கொண்டுவரப்படுகிறதா என்பதை கண்டறிந்து, இதில் தொடா்புடையவா்கள் மீது தமிழக அரசு கடும் நடவடிக்கை எடுக்க வேண்டும் என விவசாயிகள் வலியுறுத்தியுள்ளனா்.