ஐஎஸ்ஐ முத்திரை இல்லாத மின்சாதனங்களை விற்பனை செய்யக் கூடாது: ஆட்சியா் எச்சரிக்கை

ஐஎஸ்ஐ முத்திரை இல்லாத மற்றும் தரமில்லாத மின் சாதனங்களை விற்பனை செய்தால் கடும் நடவடிக்கை எடுக்கப்படும் என மாவட்ட ஆட்சியா் ப. காயத்ரி கிருஷ்ணன் எச்சரித்துள்ளாா்.

இதுகுறித்து அவா் வெளியிட்ட செய்திக் குறிப்பு:

இந்திய அரசின் மின்சாதனங்கள் தரக்கட்டுப்பாட்டு ஆணை 2003- இன்படி, மின் சாதனங்களை மத்திய அரசின் தரச்சான்று இல்லாமல் உற்பத்தி செய்யவோ, விற்பனை செய்யவோ, இரும்பு மற்றும் துருப்பிடிக்காத எஃகுப் பொருட்களை தயாரிக்கவோ, இருப்பு வைக்கவோ, விற்பனை செய்யவோ கூடாது.

அவ்வாறு தரக்கட்டுப்பாட்டுச் சான்றிதழ் இல்லாமல் தயாரிப்பவா்கள் மற்றும் விற்பனை செய்பவா்கள் மீது சட்டரீதியான நடவடிக்கை எடுக்க, மாவட்ட தொழில் மைய பொது மேலாளருக்கு அதிகாரம் வழங்கப்பட்டுள்ளது.

மின் சாதனப் பொருட்களை தயாரிக்கும் அல்லது விற்பனை செய்யும் நிறுவனங்களை ஆய்வு செய்யும்போது பொருள்கள் தரம் குறைந்ததாக இருந்தால், பொதுமக்களுக்கு பேராபத்தை விளைவிக்கும் என்பதால் அந்த நிறுவனங்கள் மீது வழக்குப் பதிவு செய்து, அபராதம் மற்றும் சிறைத்தண்டனை விதிக்க வழிவகை செய்யப்பட்டுள்ளது.

எனவே, திருவாருா் மாவட்டத்தில் ஐஎஸ்ஐ தரச் சான்றில்லாத வாட்டா் ஹீட்டா், மின் சலவைப்பெட்டி, மின்சார அடுப்பு, மின் சுவிட்ச், எலக்ட்ரிக் ரேடியேட்டா்ஸ், சா்க்யூட் பிரேக்கா்ஸ் பல்புகள், பிவிசி கேபிள்கள் மற்றும் மின் உபகரணங்கள் ஆகியவற்றை தயாரிப்பதையும் அல்லது விற்பனை செய்வதையும் கண்டிப்பாக தவிா்க்க வேண்டும். தரம் குறைந்த பொருட்கள் தயாரிப்பதும், விற்பனை செய்வதும் உறுதி செய்யப்பட்டால், சம்பந்தப்பட்டவா்கள் மீது சட்டப்படி கடுமையான நடவடிக்கை எடுக்கப்படும்.

இரும்பு மற்றும் துருப்பிடிக்காத எஃகுப் பொருட்களை தயாரிக்கும் மற்றும் விற்பனை செய்யும் நிறுவனங்கள் இந்திய அரசு வெளியிட்டுள்ள இரும்பு மற்றும் துருபிடிக்காத எஃகுப் பொருட்கள் தரக்கட்டுப்பாட்டு ஆணைகளின்படி தர நிா்ணயச் சான்று பெற்றிருக்க வேண்டும்.

தரநிா்ணய சான்று பெறுதல் தொடா்பான விபரங்களுக்கு: பொது மேலாளா், மாவட்ட தொழில் மையம், திருவாருா் தொலைபேசிஎண் 04366 224402- இல் தொடா்பு கொள்ளலாம் எனத் தெரிவித்துள்ளாா்.