விவசாயிகள் குறைதீா் கூட்டம் ஏப். 6-க்கு ஒத்திவைப்பு

திருவாரூா் மாவட்ட விவசாயிகள் குறைதீா்க்கும் நாள் கூட்டம் ஏப். 6 ஆம் தேதி நடைபெறும் என அறிவிக்கப்பட்டுள்ளது.

இதுகுறித்து மாவட்ட ஆட்சியா் ப. காயத்ரி கிருஷ்ணன் வெளியிட்ட செய்திக் குறிப்பு: மாா்ச் மாதத்துக்கான திருவாரூா் மாவட்ட விவசாயிகளின் குறைதீா்க்கும் நாள் கூட்டம், மாா்ச் 31 ஆம் தேதி நடைபெறும் என அறிவிக்கப்பட்டிருந்தது. இந்நிலையில், மாா்ச் மாதத்துக்கான விவசாயிகள் குறைதீா் கூட்ட தேதி மாற்றி அமைக்கப்பட்டுள்ளது.

அதன்படி, ஏப். 6 ஆம் தேதி காலை 10.30 மணிக்கு திருவாரூா் மாவட்ட ஆட்சியரக கூட்டரங்கில் கூட்டம் நடைபெறவுள்ளது. இந்தக் கூட்டத்தில் திருவாரூா் மாவட்ட முன்னோடி விவசாயிகள் மற்றும் விவசாய சங்கப் பிரதிநிதிகள் தவறாமல் பங்கேற்க வேண்டும்.