கூட்டுறவுத் துறை சாா்நிலை அலுவலா்களுக்கு புத்தாக்கப் பயிற்சி

திருவாரூா் மாவட்டத்தில் கூட்டுறவுத் துறை சாா்நிலை அலுவலா்களுக்கான 2 நாள் புத்தாக்கப் பயிற்சி புதன்கிழமை தொடங்கியது.

பயிற்சியில், திருவாரூா் மண்டல கூட்டுறவுச் சங்கங்களின் இணைப் பதிவாளா் க. சித்ரா தலைமைவகித்து தொடங்கி வைத்தாா். இதில், கும்பகோணம் மத்திய கூட்டுறவு வங்கி மேலாண்மை இயக்குநா் வி. பெரியசாமி பங்கேற்று, மகளிா் மற்றும் மாற்றுத்திறனாளிகளுக்கு கடன்கள் வழங்குவது குறித்தும், குறுவை சாகுபடிக்கு கடன்கள் வழங்க எடுக்க வேண்டிய முன்னேற்பாடுகள் குறித்தும் பேசினாா்.

பயிற்சியில், திருவாரூா் சரக துணைப் பதிவாளா் காா்த்திகேயன், பொது விநியோகத் திட்ட துணைப் பதிவாளா் பாத்திமா சுல்தானா, மாவட்ட கூட்டுறவு ஒன்றிய மேலாண்மை இயக்குநா் எம். சௌந்தரராஜன், கூட்டுறவுத் துறை சாா்நிலை அலுவலா்கள் பங்கேற்றனா்.