தமிழ்நாடு மத்தியப் பல்கலைக்கழகம் சாா்பில் ‘இல்லம் தோறும் தேசியக்கொடி’ பிரசாரம் திங்கள்கிழமை மேற்கொள்ளப்பட்டது.

தமிழ்நாடு மத்தியப் பல்கலைக்கழகத்தின் சாா்பில் துணைவேந்தா் எம். கிருஷ்ணன் தலைமையில் விடுதலைத் திருநாள் அமிா்தப் பெருவிழா கொண்டாடப்பட்டு வருகிறது. இதன் ஒரு பகுதியாக இல்லம் தோறும் தேசியக்கொடி சுதந்திரதின பிரசாரம் பல்வேறு கிராமங்களில் நடைபெற்றது.

பல்கலைக்கழகம் அருகே பண்ணைவிளாகம் கிராமத்தில் உள்ள நடுநிலைப் பள்ளியிலிருந்து இப்பிரசாரத்தை தொடக்கி வைத்து துணைவேந்தா் பேசியது:

அரும்பாடுபட்டு நமது முன்னோா்கள் சுதந்திரம் பெற்ற வரலாற்றை மாணவா்களும், இளைஞா்களும், பொதுமக்களும் தெரிந்துகொள்ள வேண்டும். இதன் மூலம் அனைவரும் பொறுப்புள்ள குடிமகனாக வாழவும், நாட்டின் முன்னேற்றத்திற்கு பங்காற்றவும் முடியும். இந்த பிரசாரம் நாட்டின் வளா்ச்சிக்கு அனைவரும் அா்த்தமுள்ள பங்களிப்பை வழங்குவதை நோக்கமாகக் கொண்டு நடத்தப்படுகிறது என்றாா்.

தொடா்ந்து, துணைவேந்தா் தலைமையில் பல்கலைக்கழக மாணவா்கள், கேந்திரிய வித்யாலயா மாணவா்கள், பல்கலைக்கழகப் பேராசிரியா்கள் மற்றும் பணியாளா்கள் நடைபயணம் மேற்கொண்டு, பண்ணைவிளாகம், சக்கரமங்கலம், தியாகராஜபுரம் உள்ளிட்ட பகுதிகளில் பிரசாரம் செய்தனா். அனைத்து வீடுகளுக்கும் தேசியக்கொடி வழங்கப்பட்டது.

இந்த பிரசாரத்தில் கேந்திரிய வித்யாலயா முதல்வா் வல்லவன், பல்கலைக்கழகப் பதிவாளா் ஆா்.திருமுருகன், பேராசிரியா்கள் சுலோச்சனா சேகா், செல்வம், வேல்முருகன், பீா்முகமது, நடராஜன் உள்ளிட்டோா் கலந்து கொண்டனா். நாட்டு நலப்பணித் திட்ட ஒருங்கிணைப்பாளா் பேராசிரியா் குணசேகரன் வரவேற்றாா். தேசிய மாணவா் படை ஒருங்கிணைப்பாளா் பேராசிரியா் அசோக்குமாா் நன்றி கூறினாா்.