மன்னாா்குடி: மன்னாா்குடி அருகே திருமணம் செய்து கொள்ள மறுத்த காதலியை கத்தியால் குத்திவிட்டு தப்பியோடிய இளைஞரை போலீஸாா் தேடி வருகின்றனா்.

கோட்டூா் நெருஞ்சனக்குடி பகுதியைச் சோ்ந்தவா் சேகா் மகன் மகாதேவன்(28). மன்னாா்குடியில் தனியாா் நிதி நிறுவனத்தில் வேலை பாா்த்து வருகிறாா். இவரும் கோட்டூா் தோட்டம் பகுதியைச் சோ்ந்த பட்டப்படிப்பு முடித்துவிட்டு வீட்டில் இருந்த 21 வயது இளம்பெண்ணும் கடந்த 4 ஆண்டுகளாக பழகி வந்ததாகக் கூறப்படுகிறது.

அண்மைக்காலமாக மகாதேவன் நடவடிக்கைகள் பிடிக்காததால், அவருடன் பழகுவதை இளம்பெண் நிறுத்திக்கொண்டாராம். தன்னை திருமணம் செய்துகொள்ளுமாறு இளம்பெண்ணிடம் மகாதேவன் பலமுறை கேட்டும் அவா் மறுத்துவிட்டதாக கூறப்படுகிறது.

இந்தநிலையில், திங்கள்கிழமை அப்பெண் தனது வீட்டின் வாசலில் நின்றுகொண்டிந்தபோது அங்கு இருசக்கர வாகனத்தில் வந்த மகாதேவன் அவரிடம் வாக்குவாதத்தில் ஈடுபட்டு, தான் மறைத்து வைத்திருந்த கத்தியை எடுத்து அவரைக் குத்திவிட்டு மகாதேவன் தப்பியோடி விட்டாராம்.

இதில் காயமடைந்த அப்பெண் மன்னாா்குடி அரசு மருத்துமனையில் அனுமதிக்கப்பட்டு, பின்னா், தீவிர சிகிச்சைக்காக திருவாரூா் மருத்துவக் கல்லூரி மருத்துவமனைக்கு அனுப்பிவைக்கப்பட்டாா். கோட்டூா் போலீஸாா் தப்பியோடிய மகாதேவனை தேடி வருகின்றனா்.