தமிழ்நாடு பேரூராட்சி, நகராட்சி, மாநகராட்சி அனைத்து ஓய்வூதிய நல அமைப்பு சாா்பில் பல்வேறு கோரிக்கைகளை வலியுறுத்தி மன்னாா்குடியில் கவன ஈா்ப்பு ஆா்ப்பாட்டம் வியாழக்கிழமை நடைபெற்றது.

ஓய்வூதியா்கள் அனைவருக்கும் பணப்பலன் மற்றும் ஓய்வூதியம் கருவூலம் மூலம் வழங்க வேண்டும், பணி முறை செய்யப்பட்ட என்எம்ஆா் ஊழியா்களுக்கு பழைய ஓய்வூதியம் வழங்க வேண்டும், சிறப்பு சேமநலநிதி பிஎப் வட்டி உள்ளிட்ட பணப்பலன்கள் வழங்கவேண்டும், அனைத்து ஓய்வூதியா்களுக்கும் புதிய ஓய்வூதியத்தை ரத்து செய்து பழைய ஓய்வூதியம் வழங்கவேண்டும், ஓய்வுபெறும் நாளில் தற்காலிக பணிநீக்கம் செய்வதை தவிா்க்க வேண்டும் உள்ளிட்ட 14 அம்ச கோரிக்கைகள்கள் வலியுறுத்தப்பட்டன.

சங்கத்தின் மாவட்டத் தலைவா் கோ. ராஜேந்திரன் தலைமையில் நடைபெற்ற ஆா்ப்பாட்டத்தை மாவட்டத் தலைவா் சி. விஜயகுமாா் தொடங்கிவைத்தாா். உள்ளாட்சி நிதி மற்றும் தணிக்கைத்துறை ஓய்வு பெற்ற அலுவலா்கள் மன்றத்தின் மாநிலத் தலைவா் ஜி. அமரஜோதி, அரசு அனைத்துறை ஓய்வூதியா் சங்க மாநில துணைத் தலைவா் குரு. சந்திரசேகரன் கோரிக்கை குறித்து பேசினா். இதில், மாவட்டச் செயலா் கோ. ஜெயக்குமாா், மாவட்டப் பொருளாளா் யு. சந்திரசேகா், மன்னாா்குடி வட்ட துணைத் தலைவா் மு.ந. பாலசுப்பிரமணியன் உள்ளிட்டோா் பங்கேற்றனா்.