நாகப்பட்டினம்: நாகப்பட்டினத்தில் தமிழ்நாடு அரசு போக்குவரத்துக் கழகம் கும்பகோணம் கோட்டம் சாா்பில், மகளிா் விடியல் பயணத் திட்ட பேருந்துகள் உள்பட 105 புதிய பேருந்துகளை தமிழக முதல்வா் மு.க. ஸ்டாலின் கொடியசைத்து திங்கள்கிழமை தொடங்கிவைத்தாா்.

நாகப்பட்டினம் அவுரித்திடலில் நடைபெற்ற விழாவில் மகளிா் விடியல் பயண திட்டத்தில் 54 புதிய பேருந்துகள், 51 புகா் பேருந்துகள் உள்பட 105 பேருந்து சேவையை அவா் தொடக்கிவைத்தாா்.

மேலும் நாகப்பட்டினம், கும்பகோணம், திருச்சி, புதுக்கோட்டை, காரைக்குடி, மற்றும் கரூா் மண்டலங்களில் ஏற்கெனவே இயக்கப்பட்டு வந்த பழைய பேருந்துகளுக்கு பதிலாக புதிய பேருந்துகளையும் அவா் தொடக்கிவைத்தாா்.

நிகழ்ச்சியில் நகராட்சி நிா்வாகத் துறை அமைச்சா் கே.என். நேரு, வனத்துறை அமைச்சா் க. பொன்முடி, நெடுஞ்சாலைத் துறை அமைச்சா் எ.வ. வேலு, போக்குவரத்துத் துறை அமைச்சா் சா.சி. சிவசங்கா், பள்ளிக் கல்வித் துறை அமைச்சா் அன்பில் மகேஸ் பொய்யாமொழி, தமிழ்நாடு மீன் வளா்ச்சிக் கழகத் தலைவா் என். கௌதமன், தில்லி சிறப்பு பிரதிநிதி ஏ.கே.எஸ். விஜயன், தாட்கோ தலைவா் உ. மதிவாணன், சட்டப்பேரவை உறுப்பினா்கள் முகமது ஷாநவாஸ், நாகை மாலி, கே. மாரிமுத்து, மாவட்ட ஆட்சியா் ப. ஆகாஷ், அரசு போக்குவரத்து கழக நிா்வாக இயக்குநா் இரா. பொன்முடி, நாகை நகா்மன்றத் தலைவா் இரா. மாரிமுத்து, போக்குவரத்துக் கழக பொது மேலாளா்கள் எஸ். ராஜா, சிங்காரவேலு, எஸ். ஸ்ரீதரன் உள்ளிட்ட பலா் பங்கேற்றனா்.