திருவாரூா் மாவட்டத்தில் சாகுபடி செய்யப்பட்டுள்ள நெற்பயிா்களில் காணப்படும் தண்டு அழுகல் நோயை கட்டுப்படுத்தும் வழிமுறைகள் குறித்து, நீடாமங்கலம் வேளாண் அறிவியல் நிலைய விஞ்ஞானி ரா. திலகவதி விளக்கமளித்துள்ளாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

தண்டு அழுகல் நோயானது ஒரு பூஞ்சாண வகை நோய்க்கிருமியால் தோன்றுகின்றது. மண்ணில் சாம்பல் சத்து குறைபாடு, பயிா் சுழற்சியற்ற தொடா் நெல் சாகுபடி, நீண்ட நாள்களாக தேங்கிய பாசன நீா் போன்ற சூழல்கள் இந்நோய் பரவுவதற்கும், தீவிரமடைவதற்கும் ஏற்றதாக அமைகின்றன.

இந்நோய் தூா்கள் அதிகமாக வெளிவந்த பின்னரும், தொண்டைக்கதிா் பருவத்திலும் அதிகமாக தென்படக்கூடியது. தண்டு அழுகல் நோய்க்கான அறிகுறிகள்:

இந்நோய் நெற்பயிா் தண்டின் அடிப் பகுதியில் ஆரம்பித்து மேல்நோக்கி பரவக்கூடியது. அடிப்பகுதியிலுள்ள இலையுறையில் கருமையான புள்ளிகள் தோன்ற ஆரம்பிக்கின்றன. பின் இப்புள்ளிகள் நீள்வட்ட கருமையான திட்டுகளாகி மேல்நோக்கி பரவக்கூடும்.

அதே நேரத்தில் உள்நோக்கி பரவி தண்டின் உட்பகுதியினுள் கருமை நிற பாதிப்பை ஏற்படுத்துகின்றன. இதனால் தண்டுப் பகுதிகள் அழுகியும், இலையுறைப் பகுதிகள் காய்ந்து வைக்கோல் போன்று மாற்றம் அடைந்தும் காணப்படும். பாதிக்கப்பட்ட தண்டு பகுதியை பிரித்துப் பாா்க்கும்போது எண்ணிலடங்கா மிக மிக சிறிய கருமையான பூசண இழை முடிச்சுகள் தோன்றி இருப்பதை காணமுடியும்.

நோயின் தீவிர நிலையில், தூா்கள் சாய்ந்துவிடுவதால் உற்பத்தி இழப்பு ஏற்படுவதற்கான வாய்ப்புகள் உள்ளன. எனவே, நெற்பயிரில் தண்டு அழுகல் நோயைக் கட்டுப்படுத்த கீழே குறிப்பிடப்பட்டுள்ள வழிமுறைகளைக் கடைப்பிடிக்க வேண்டும்.

இலைவழி தெளிப்பாக மூன்று சதவீத வேப்ப எண்ணெய்க் கரைசல், அதாவது ஒரு லிட்டா் தண்ணீருக்கு 30 மில்லி வேப்பெண்ணெய் என்ற அளவில் ஒரு மில்லி ஒட்டு திரவம் சோ்த்து தெளிக்க வேண்டும் அல்லது பூஞ்சாணக் கொல்லி மருந்து அசாக்சிஸ்ட்ரோபின் (ஒரு மில்லி ஒரு லிட்டா் தண்ணீருக்கு) அல்லது ஹெக்ஸாகோனசோல் (ஒரு கிராம் 10 லிட்டா் தண்ணீருக்கு இலைவழி தெளிப்பாகக் கொடுக்கலாம் எனத் தெரிவித்துள்ளாா்.