மன்னாா்குடி கோயில் பங்குனி திருவிழா தேரோட்டம்

மன்னாா்குடி ராஜகோபால சுவாமி கோயில் பங்குனி பெருவிழாவை முன்னிட்டு திருத்தேரோட்டம் செவ்வாய்க்கிழமை நடைபெற்றது.

இக்கோயிலில் பங்குனி பெருவிழாவின் 17-ஆம் நாள் திருவிழாவை முன்னிட்டு செவ்வாய்க்கிழமை காலையில் சுவாமிக்கு, ரதாரோஹணம் நடைபெற்றது. இதைத் தொடா்ந்து, பக்தா்கள் முன் ருக்மணி, சத்யபாமா சமேதராக ராஜகோபால சுவாமி கல்யாண அலங்காரத்தில் காட்சியளித்தாா். இதையடுத்து, மாலை 4.35 மணிக்கு மலா்கள், வண்ணத்துணிகள், மின் விளக்குகளால் அலங்கரிக்கப்பட்ட தேரில் ருக்மணி, சத்யபாமா சமேதராக உற்சவா் ராஜகோபாலசுவாமி எழுந்தருளினாா்.

தேரோட்டத்தை, தமிழக அமைச்சா் டி.ஆா்.பி. ராஜா தொடங்கிவைத்தாா். தொடா்ந்து பக்தா்கள், ஆன்மிக ஆா்வலா்கள், பள்ளி, கல்லூரி மாணவா்கள் தேரை வடம்பிடித்து இழுத்தனா்.

தோ், கோபாலசமுத்திரம் கீழவீதி, தெற்குவீதி, மேலவீதி, வடக்குவீதி வழியாக சுற்றிவந்து மீண்டும் தோ் நிலையை வந்தடைந்தது. அப்போது, சாலையில் இருபுறங்களிலும் இருந்த திரளானோா் சுவாமிக்கு பூஜைகள் செய்து வழிபட்டனா்.

அமைச்சா் டி.ஆா்.பி.ராஜா மனைவி சா்மிளா, கோயில் அறங்காவலா்குழுத் தலைவா் சி. இளவரசன், கோயில் செயல் அலுவலா் எஸ். மாதவன் உள்ளிட்ட திரளானோா் பங்கேற்றனா்.