நிர்மாண் பவனில் திடீர் தீ விபத்து

தில்லி நிர்மாண் பவனில் உள்ள இரண்டாவது தளத்தில் வியாழக்கிழமை திடீரென தீவிபத்து ஏற்பட்டது.
இதுகுறித்து தில்லி தீயணைப்புத் துறை அதிகாரி கூறியதாவது:  நிர்மாண் பவனில் உள்ள இரண்டாவது தளத்தில் தீவிபத்து நிகழ்ந்ததாக காலை 10.05 மணிக்கு தீயணைப்புத் துறைக்கு தகவல் வந்தது. இதையடுத்து, சம்பவ இடத்திற்கு 5 தீயணைப்பு வாகனங்கள் உடனடியாக அனுப்பிவைக்கப்பட்டு, தீயை அணைக்கும் பணியில் ஈடுபடுத்தப்பட்டன.
சுமார்  15 நிமிடங்களில் தீ அணைக்கப்பட்டது.  கட்டடத்தின் இரண்டாவது தளத்தில் உள்ள 250-ஆவது எண்அறையில் இந்த விபத்து நிகழ்ந்தது.  
இந்த விபத்தில் அறையில் இருந்த குளிர்சாதனப் பெட்டி,  இருக்கைகள் சேதமடைந்தன. தீவிபத்துக்கான காரணம் குறித்து விசாரணை நடைபெற்று வருகிறது என்றார் அவர். நிர்மாண் பவனில்
நகர்ப்புற வளர்ச்சித் துறை அமைச்சகம் அமைந்துள்ளது குறிப்பிடத்தக்கது.