புது தில்லி: தில்லி தமிழ்க் கல்விக் கழக (டிடிஇஏ) பள்ளிகளுக்கிடையே மாணவா்களுக்கான இணையதள வழி போட்டிகள் திங்கள், செவ்வாய் ஆகிய தினங்களில் நடைபெற்றன.

இதையொட்டி, தொடக்கநிலைப் பிரிவில் பயிலும் மாணவா்களுக்கு இடையே நினைவுத் திறனாய்வுப் போட்டி , விளம்பர மாதிரி போட்டி, பேச்சுப் போட்டி, பாட்டுப் போட்டி, ரோல் பிளே உள்ளிட்ட பல்வேறு போட்டிகள் நடத்தப்பட்டன. இந்தப் போட்டிகளில் மாணவா்கள் மிகவும் ஆா்வத்துடன் கலந்து கொண்டனா். மொத்தம் 27 மாணவா்கள் பரிசுக்கு உரியவா்களாகத் தோ்ந்தெடுக்கப்பட்டனா். பிற தனியாா் பள்ளிகளைச் சாா்ந்த ஆசிரியா்கள் நடுவா்களாகப் பங்கேற்று போட்டி முடிவுகளை வெளியிட்டனா். கரோனா தொற்றின் காரணமாகப் பள்ளிகள் மூடப்பட்டிருக்கும் நிலையிலும், தொடா்ந்து வகுப்புகள் நடத்துவதுடன் மாணவா்களின் பல்வேறு திறமைகளை வெளிக் கொணரும் விதமாகப் போட்டிகளையும் நடத்த டிடிஇஏ செயலா் ஏற்பாடு செய்திருந்தாா்.

இது குறித்து டிடிஇஏ செயலா் ஆா்.ராஜு கூறுகையில், போட்டிகள் மாணவா்களிடம் மேலும் கற்கும் ஆா்வத்தையும் முயற்சியையும் தூண்டும்; மகிழ்வான கற்றலுக்கு வழி வகுக்கும். எனவேதான் இப்போட்டிகளுக்கு ஏற்பாடு செய்தோம். கரோனா தொற்று சூழலிலும் தங்கள் குழந்தைகளை ஊக்குவித்து போட்டியில் கலந்து கொள்ள வைத்த பெற்றோா்களுக்கு நன்றியைத் தெரிவித்துக் கொள்கிறேன்’ என்றாா். இந்தத் தகவல் டிடிஇஏ வெளியிட்ட செய்திக்குறிப்பில் தெரிவிக்கப்பட்டுள்ளது.