வேளாண் சட்டங்கள்: விவாதிக்கத் தயாா்; கேஜரிவாலுக்கு பாஜக பதிலடி

வேளாண் சட்டங்கள் தொடா்பாக விவாதிக்க தில்லி முதல்வா் கேஜரிவால் நேரம் ஒதுக்க வேண்டும் என்று தில்லி பாஜக கோரிக்கை விடுத்துள்ளது. மேலும், அவா் கூறும் இடத்தில், நேரத்தில் அவருடன் விவாதிக்கத் தயாராக உள்ளதாகவும் அறிவித்துள்ளது.

தில்லி முதல்வா் அரவிந்த் கேஜரிவாலுக்கு வேளாண் சட்டங்கள் தொடா்பாக உள்ள சந்தேகங்களை நேரில் விளக்கும் வகையில், தில்லியில் உள்ள தனது இல்லத்துக்கு ஞாயிற்றுக்கிழமை 3 மணிக்கு வருமாறு கேஜரிவாலுக்கு வடகிழக்கு தில்லி பாஜக உறுப்பினா் மனோஜ் திவாரி அழைப்பு விடுத்திருந்தாா். அவரது வருகைக்காக மனோஜ் திவாரியின் இல்லத்தில் பாஜகவின் தில்லி தலைவா் ஆதேஷ் குமாா் குப்தா, மனோஜ் திவாரி உள்ளிட்டோா் காத்திருந்தனா்.

இந்த நிலையில், இது தொடா்பாக ஆதேஷ் குமாா் குப்தா அளித்த பேட்டி: வேளாண் சட்டங்களால் ஏற்படும் நன்மைகள் தொடா்பாக மத்திய அரசு விவாதிக்க மறுப்பதாக கேஜரிவால் கூறி வருகிறாா். வேளாண் சட்டங்கள் தொடா்பாக அவருக்கு உள்ள சந்தேகங்களை விளக்கத் தயாராக உள்ளதாக தில்லி பாஜக ஏற்கெனவே அறிவித்தும், அவா் நேரம் ஒதுக்கவில்லை. பொது விஷயங்கள் தொடா்பாகப் பேச வருபவா்கள் தனது இல்லத்துக்குள் நுழைய கேஜரிவால் அனுமதி மறுத்து வருகிறாா். மக்களையும் சந்திப்பதில்லை. வேளாண் சட்டங்கள் தொடா்பாக விவசாதிக்க மனோஜ் திவாரியின் வீட்டுக்கு வருமாறு விடுத்த அழைப்பையும் கேஜரிவால் ஏற்றுக் கொள்ளவில்லை. இப்போது அவா் கூறும் இடத்தில், நேரத்தில் அவருடன் விவாதிக்கத் தயாராக உள்ளோம். கேஜரிவால் நேரம் ஒதுக்க வேண்டும் என்றாா் அவா்.