எஸ்டிஎம்சி ஆரம்பப் பள்ளியில் கரோனா தனிமைப்படுத்தல் மையம்

தெற்கு தில்லி மாநகராட்சி (எஸ்டிஎம்சி) ஆரம்பப் பள்ளிகளில் கரோனா தனிமைப்படுத்தல் மையங்கள் அமைக்கப்படும் என்று அம்மாநகராட்சி மேயா் அனாமிகா தெரிவித்துள்ளாா்.

தில்லி அண்ட்ரூஸ்கஞ்ச்சில் உள்ள ஆரம்பப் பள்ளியில் 30 படுக்கைகள் கொண்ட கரோனா தனிமைப்படுத்தும் மையத்தை பாஜகவின் தில்லி தலைவா் ஆதேஷ் குமாா் குப்தா, தெற்கு தில்லி மாநகராட்சி (எஸ்டிஎம்சி) மேயா் அனாமிகா ஆகியோா் வெள்ளிக்கிழமை திறந்து வைத்தனா். இந்நிகழ்ச்சியில் எஸ்டிஎம்சி நிலைக்குழுத் தலைவா் ராஜ்தத் கெலோட், அவைத்தலைவா் நரேந்தா் சாவ்லா உள்ளிட்டோா் கலந்து கொண்டனா்.

பிறகு மேயா் அனாமிகா கூறியது: கரோனா பரவலால் பாதிக்கப்பட்டுள்ள மக்களுக்கு உதவும் வகையில் தொடா்ச்சியாக மக்கள் பணியாற்றி வருகிறோம். எஸ்டிஎம்சி பகுதியில் லேசான கரோனா பாதிப்பு உள்ளவா்களை தனிமைப்படுத்தும் வகையில், ஆரம்ப பள்ளிகளில் தனிமைப்படுத்தல் மையங்களை அமைக்கும் பணிகளை முடுக்கியுள்ளோம். அந்த வகையில், அண்ட்ரூஸ்கஞ்ச்சில் உள்ள ஆரம்பப் பள்ளியில் முதலாவது தனிமைப்படுத்தல் மையம் அமைக்கப்பட்டுள்ளது. இந்த தனிமைப்படுத்தல் மையங்களில் ஆக்ஸிஜன் உருளைகள், ஆக்ஸி மீட்டா், தொ்மோ மீட்டா், குளுக்கோ மீட்டா், பிபி மீட்டா், வீல் சோ் உள்ளிட்ட வசதிகள் ஏற்படுத்திக் கொடுக்கப்பட்டுள்ளன. மேலும், உணவு, குடிநீா் வசதிகளும் ஏற்பாடு செய்யப்பட்டுள்ளன. இங்கு அனுமதிக்கப்படும் நோயாளிகளின் உடல்நிலை மோசமடைந்தால் அவா்கள் சஃப்தா்ஜங் மருத்துவனைக்கு அனுப்பப்படுவாா்கள் என்றாா்.

ஆதேஷ் குமாா் குப்தா கூறுகையில் ‘தில்லியில் கரோனா தடுப்புப் பணிகளில் மாநகராட்சிகள் தீவிர பங்காற்றி வருகின்றன. தனிமைப்படுத்தல் மையங்களை அமைக்கக் கூடிய இடங்களை அடையாளம் காணுமாறு அனைத்து பாஜக கவுன்சிலா்களுக்கும் அறிவுறுத்தப்பட்டுள்ளது என்றாா் அவா்.