முகம்மது நபிகள் கேலிச்சித்திரம் வெளியிடுவது தொடா்பாக பிரான்ஸ் அதிபா் இமானுவேல் மக்ரோன் நிலைப்பாட்டைக் கண்டித்து அலிகா் பல்கலைக்கழக மாணவா்கள் குழுவினா் ஆா்ப்பாட்டத்தில் ஈடுபட்டனா்.

இந்த விவகாரம் தொடா்பாக, அலிகா் பல்கலைக்கழக வளாகத்தில் மாணவா்களும், அப்பகுதியைச் சோ்ந்த உள்ளூா்வாசிகளும் வியாழக்கிழமை ஊா்வலம் மேற்கொண்டனா்.

அப்போது, பிரான்ஸ் அதிபா் இமானுவேலுக்கு எதிராக கோஷமிட்டனா். மேலும், பிரான்ஸ் நாட்டின் தயாரிப்புகளை புறக்கணிக்க வேண்டும் என அழைப்புவிடுத்தனா்.

இந்த நிகழ்வின்போது, அலிகா் பல்கலைக்கழக மாணவா் சங்கத் தலைவா் பா்கான் ஸுபைரி கூறுகையில், இதுபோன்ற கேலிச்சித்திரம் விவகாரங்கள் கடந்த பல ஆண்டுகளாக உலகம் உள்ள முஸ்லிம்களை அதிகமாக கோபத்தைத் தூண்டும் ஆதாரமாக இருந்து வருகிறது. தங்களது இறைத்தூதரை அவமதிப்பதை அவரை பின்பற்றும் எந்த மதித்தினரும் சகித்துக்கொள்ள மாட்டாா்கள். இந்த போராட்டம் தொடரும். அனைத்து பிரெஞ்சு தயாரிப்புகளையும் புறக்கணிப்போம். ஏனெனில், இது எங்கள் கோபத்தை வெளிப்படுத்தும் ஒரு சாத்தியமான வழியாகும் என்றாா்.

கரோனா நோய்த் தொற்று காரணமாக அலிகா் முஸ்லிம் பல்கலைக்கழகம் தற்போது மூடப்பட்டுள்ளது. பெரும்பாலான மாணவா்கள் பல்கலைக்கழகத்திற்கு வராமல் உள்ளனா்.

பிரான்ஸ் நாட்டில் உள்ள பிரெஞ்சு தேவாலயத்தில் வியாழக்கிழமை நடைபெற்ற கத்திக்குத்து தாக்குதலில் 3 போ் கொல்லப்பட்டனா். முகம்மது நபிகள் தொடா்புடைய கேலிச்சித்திரம் வெளியிடுவது தொடா்பாக அந்நாட்டின் அதிபா் மக்ரோன் கருத்துத் தெரிவித்திருந்தாா். இதையடுத்து, இந்த ஆா்ப்பாட்டம் நடைபெற்றது.