தில்லியில் குறைந்தபட்ச வெப்பநிலை 7.4 டிகிரி செல்சியஸாக அதிகரிப்பு

புது தில்லி: தில்லியில் சனிக்கிழமை குறைந்தபட்ச வெப்பநிலை 7.4 டிகிரி செல்சியஸாக அதிகரித்தது. இது வெள்ளிக்கிழமை 6.8 டிகிரி செல்சியஸாக குறைந்திருந்தது. அடுத்து வரும் 3-4 நாள்களில் வெப்பநிலை அளவில் சிறிது அதிகரிக்க வாய்ப்பு இருக்கும் வானிலை ஆய்வு மையத்தினா் தெரிவித்தனா்.

மேற்கத்திய இடையூறு தாக்கம் காரணமாக வியாழக்கிழமை பரவலாக தில்லியில் மழை பெய்தது. மேலும், இமயமலைப் பகுதியில் இருந்து குளிா், வட காற்று சமவெளி பகுதியை நோக்கி வீசத் தொடங்கியது. இதனால், குறைந்தபட்ச வெப்பநிலை வெள்ளிக்கிழமை சற்று குறைந்திருந்தது. இந்த நிலையில், சனிக்கிழமை வெப்பநிலையில் சிறிது அதிகரித்து காணப்பட்டது.

தில்லி நகருக்கான பிரதிநிதித்துவ தரவுகளை வழங்கும் சஃப்தா்ஜங் வானிலை ஆய்வு மையத்தில் சனிக்கிழமை குறைந்தபட்ச வெப்பநிலை வழக்கமான அளவைவிட 2 புள்ளிகள் குறைந்து 7.4 டிகிரி செல்சியஸாகப் பதிவானது. அதிகபட்சவெப்பநிலை

ஒரு புள்ளி குறைந்து 22.3 டிகிரி செல்சியஸாகப் பதிவானது. காற்றில் ஈரப்பதத்தின் அளவு காலை 8.30 மணியளவில் 100 சதவீதமாகவும், மாலை 5.30 மணியளவில் 64 சதவீதமாகவும் பதிவாகி இருந்தது.

வெள்ளிக்கிழமை குறைந்தபட்ச வெப்பநிலை 6.8 டிகிரி செல்சியஸ் பதிவாகியிருந்தது. வியாழக்கிழமை 12.4 டிகிரி செல்சியஸ், புதன்கிழமை குறைந்தபட்ச வெப்பநிலை 10.2 டிகிரி செல்சியஸ் , செவ்வாய்க்கிழமை 6.2 டிகிரி செல்சியஸ் என பதிவாகியிருந்தது. அதிகபட்ச வெப்பநிலை வெள்ளிக்கிழமை 23.2 டிகிரி செல்சியஸ்ாக பதிவாகி இருந்தது.

காற்றின் தரம்: தில்லியில் ஒட்டுமொத்தக் காற்றின் தரக் குறியீடு வெள்ளிக்கிழமை மிதமான பிரிவில் காணப்பட்டது. மாலை 5 மணியளவில் 193 புள்ளிகளாகப் பதிவாகி மிதமான பிரிவில் காணப்பட்டது.

முன்னறிவிப்பு: தில்லியில் ஞாயிற்றுக்கிழமை குறைந்தபட்ச வெப்பநிலை 8 டிகிரி செல்சியஸாகவும், அதிகபட்ச வெப்பநிலை 24 டிகிரி செல்சியஸாகவும் இருக்கும் என்றும், மேலோட்டமான பனிமூட்டம் இருக்கும் என்றும் வானிலை ஆய்வு மையம் தெரிவித்துள்ளது.