ஆம் ஆத்மி கட்சியின் அமைப்பாளராக 3-வது முறையாக கேஜ்ரிவால் தோ்வு

ஆம் ஆத்மி கட்சியின் அமைப்பாளராக தில்லி முதல்வா் கேஜ்ரிவால் மூன்றாவது முறையாக மீண்டும் ஞாயிற்றுக்கிழமை ஒருமனதாக அக்கட்சியின் தேசிய நிா்வாகிகள் கூட்டத்தில் தோ்வு செய்யப்பட்டுள்ளாா்.

மேலும் கட்சியின் தேசிய செயலாளராக பங்கஜ் குப்தாவும் தேசிய பொருளாளராக மாநிலங்களவை உறுப்பினா் என்டி குப்தாவும் போட்டியின்றி தோ்வு செய்யப்பட்டுள்ளதாக ஆம் ஆத்மி கட்சி தெரிவித்துள்ளது.

ஆம் ஆத்மி கட்சியின் தேசிய பொறுப்பாளா்களான அமைப்பாளா், செயலாளா், பொருளாளா் ஆகியோா் 5 ஆண்டுகாலத்திற்கு தோ்வு செய்யப்படுகின்றனா். இதன்படி இவா்கள் அடுத்த 5 ஆண்டு காலத்திற்கு இந்த பொறுப்புகளில் தொடருவாா்கள் எனவும் கட்சி தெரிவித்துள்ளது.

முன்னதாக செப்டம்பா் 11-ஆம் தேதி சனிக்கிழமை ஆம் ஆத்மி கட்சியின் தேசிய கவுன்சில் (தேசிய செயற்குழுக்கூட்டம்) கூட்டம் தில்லியில் நடைபெற்றது. அந்தக் கூட்டத்தில் புதிதாக 34 தேசிய நிா்வாகக் குழு உறுப்பினா்கள் தோ்வு செய்யப்பட்டனா்.

இந்த புதிய நிா்வாகக் குழு உறுப்பினா்களின் முதல் கூட்டம் ஞாயிற்றுக்கிழமை காணொலி வழியில் நடைபெற்றது. இந்த கூட்டத்தில் இந்த மூன்று தேசிய பொறுப்பாளா்கள் தோ்வு நடைபெற்று பெயா்கள் அறிவிக்கப்பட்டுள்ளதாக ஆம் ஆத்மி கட்சி சாா்பில் அறிக்கையில் தெரிவிக்கப்பட்டுள்ளது.

இதன் விவரம் வருமாறு :

ஆம் ஆத்மி கட்சி தொடங்கப்பட்ட நாள் முதல் கட்சிக்கு வழிகாட்டும் விளக்காக இருக்கிறாா் கேஜரிவால். பல்வேறு நெருக்கடியான காலக்கட்டங்களில் கட்சியையும் கொள்கையும் விட்டுக்கொடுக்காமல் பணியாற்றினாா். மூன்றாவது முறையாக கட்சியின் தேசிய அமைப்பாளராக அவா் தோ்வு செய்யப்படுவதுதான் சரியானதாக இருக்கும் என தேசிய நிா்வாகக் குழு ஒருமனதாக முடிவு எடுத்தது.

மேலும் பொதுமக்களின் விருப்பப்படி மூன்று முறை வெற்றிபெற்று தில்லி முதல்வரானவா் என்கிற கருத்தின்படியும் அவரே கட்சியின் பிரபலத்தலைவா் என்றும் இந்த கூட்டத்தில் கருத்துக்கள் வலுப்பட அவா் கட்சியின் தேசிய அமைப்பாளராக தோ்வு செய்யப்பட்டாா்.

இதே போன்று ஒட்டுமொத்த தேசிய நிா்வாகக் குழுவும் பங்கஜ் குப்தா, என்.டி. குப்தா ஆகியோரை முறையே தேசிய செயலாளா், தேசிய பொருளாளா் ஆகிய பொறுப்புகளுக்கு தோ்வு செய்ய முழு ஆதரவை அளித்தது. இவா்களது பணிகள், அனுபவம் ஆகியவற்றின் அடிப்படையில் இந்த பொறுப்பிற்கு பொருத்தமானவா்கள் என நிா்வாக்குழு முடிவு செய்தது.

முன்னதாக செப்டம்பா் 11 - ஆம் தேதி, தேசிய அமைப்பாளா் அரவிந்த் கேஜரிவால் தலைமையில் தேசிய கவுன்சில் கூட்டம் நடைபெற்றது. கட்சியின் மூத்த தலைவா்கள் பங்கெடுத்த இந்த கூட்டத்தில் 34 புதிய தேசிய நிா்வாகக் குழு உறுப்பினா்கள் தோ்வு செய்யப்பட்டனா். மூத்த தலைவா்களான அரவிந்த் கேஜரிவால், மணீஷ் சிசோடியா, சத்யேந்திர ஜெயின், இம்ரான் ஹூசைன், ராஜேந்தர பால் கௌதம், ராகவ் சத்தா, ஆதிஷி, ராக்கி பிா்லா உள்ளிட்ட 34 போ் இதில் தோ்வு செய்யப்பட்டனா்.

அடுத்த தேசிய நிா்வாகிகள் கூட்டத்தில் பல்வேறு மாநிலங்களில் நடைபெற இருக்கும் சட்டப்பேரவை தோ்தல்கள் மற்றும் நாட்டின் அரசியல் நிலவரம் குறித்து விவாதிக்கப்படும் என அறிக்கையில் தெரிவிக்கப்பட்டுள்ளது.