சாமானிய மனிதா்களின் நம்பிக்கையை மீண்டும் பெற்று வருகிறது காங்கிரஸ்: அனில் செளத்ரி

தில்லியில் நடைபெற்ற இந்திய ஒற்றுமை நடைபயணத்தில் காங்கிரஸ் மூத்த தலைவா் ராகுல் காந்தியுடன் ஆயிரக்கணக்கான மக்கள் கலந்து கொண்டது, காங்கிரஸ் மீண்டும் சாமானியா்களின் நம்பிக்கையை பெற்றுவரும் வலுவான செய்தியாக உள்ளது என்று காங்கிரஸ் கட்சியின் தில்லி தலைவா் அனில் செளத்ரி தெரிவித்தாா்.

இந்திய தேசிய காங்கிரஸின் 138-ஆவது நிறுவன தினத்தை முன்னிட்டு, தில்லி பிரதேச காங்கிரஸ் கட்சி அலுவலகமான ராஜீவ் பவனில் புதன்கிழமை கட்சிக் கொடியை ஏற்றி வைத்து அனில் செளத்ரி பேசியதாவது: காங்கிரஸ் கட்சியை உருவாக்கிய தலைவா்கள் நாட்டிற்கும், கட்சிக்கும் ஆற்றிய பங்களிப்பை என்றும் மறக்க முடியாது. அதனால், காங்கிரஸைக் கட்டியெழுப்பிய தலைவா்களுக்கு இது அஞ்சலியாகும்.

காங்கிரஸ் தலைவா் ராகுல் காந்தி, தனது பாரத் ஜோடோ யாத்திரை மூலம் சாமானியா்களுடன் உரையாடி வருகிறாா். இதன் மூலம் அவா்கள் எதிா்கொள்ளும் பிரச்னைகளைக் கேட்டு, குடிமக்களின் குரலை அவா் பிரதிபலித்து வருகிறாா். பாரத் ஜோடோ யாத்திரை மூலம் ராகுல் காந்தி பாஜகவின் மோசமான ஆட்சியால் அவதியுறும் நாட்டு மக்களின் குரலை எதிரொலித்து வருகிறாா். இந்த நடைபயண இயக்கம் மிகப்பெரிய தாக்கத்தை ஏற்படுத்தி வருகிறது. தில்லியில் நடந்த நடைபயணத்தில் அவருடன் ஆயிரக்கணக்கான மக்கள் கலந்து கொண்டனா். இதுதான் காங்கிரஸின் விருப்பம் மற்றும் நோக்கங்கள் பற்றிய வலுவான செய்தியாகும் என்றாா் அவா்.

ஜனவரி 3- ஆம் தேதி தில்லியில் இருந்து மீண்டும் உத்தரப் பிரதேசம் நோக்கிச் செல்லும் இந்திய ஒற்றுமை நடைபயணத்தின் ஏற்பாடுகள் குறித்து மாவட்ட மற்றும் தொகுதி அளவிலான தலைவா்களுடன் சந்திப்பு கூட்டத்தையும் அனில் செளத்ரி நடத்தினாா். ஜனவரி 3-ஆம் தேதி தில்லியில் உள்ள கஷ்மீரி கேட்டில் இருந்து மீண்டும் இந்த யாத்திரை தொடங்கி மதியம் காஜியாபாதில் உள்ள லோனி வழியாக உத்தர பிரதேசத்திற்குள் நுழையவுள்ளது.