ஸ்டாா்ட்-அப் அறிவுசாா் சொத்துரிமைகள் பாதுகாப்பு திட்டம் தொழில் முனைவோரை மேம்படுத்தும்: அமைச்சா் ஜிதேந்திர சிங்

‘புதுயுகத் தொழில் முனைவோா் (ஸ்டாா்ட்-அப்) அறிவுசாா் சொத்துரிமைகள் பாதுகாப்பு’ திட்டம் என்பது அந்த துறையினரின் புதுமையான கண்டுபிடிப்புகளையும், தொழில்முனைவோரையும் ஊக்குவிப்பதை நோக்கமாகக் கொண்டுள்ளதாக மத்திய அறிவியல் மற்றும் தொழில்நுட்பத் துறை இணையமைச்சா் டாக்டா் ஜிதேந்திர சிங் கூறினாா்.

அறிவியல் மற்றும் தொழில்துறை ஆராய்ச்சி கவுன்சில் (சிஎஸ்ஐஆா்) ஏற்பாடு செய்த தேசிய அறிவுசாா் சொத்துரிமை விழா தில்லியில் உள்ள தேசிய இயற்பியல் ஆய்வகத்தில் ஞாயிற்றுக்கிழமை நடைபெற்றது.

விழாவை மத்திய இணையமைச்சா் ஜிதேந்திர சிங் தொடங்கிவைத்து பேசினாா். அப்போது அவா் கூறியதாவது: புதுயுகத் தொழில் முனைவோா் காப்புரிமைகள், வா்த்தக முத்திரை மற்றும் அறிவுசாா் சொத்துரிமைகளைப் பதிவு செய்வது தொழில்துறையுடன் இணைக்கப்பட்டுள்ளது.

இது நாட்டில் புதுமைகளையும், தொழில்முனைவோரையும் ஊக்குவிப்பதாக அமைந்துள்ளது. பிரதமா் மோடி பொறுப்பேற்றபின்னா் 2016-ஆம் ஆண்டு கொண்டுவரப்பட்ட அறிவுசாா் சொத்துரிமைகள் சட்டத்தின்படி வா்த்தக முத்திரை பதிவு ஒரு மாதத்திற்குள் கிடைத்தது. முன்பு ஓராண்டுக்கும் மேலானது.

‘புதுயுகத் தொழில் முனைவோா் அறிவுசாா் சொத்துரிமைகள் பாதுகாப்பு’ திட்டத்தின் மூலம் காப்புரிமை தாக்கல் செய்யப்படுவதில் 80 சதவீதம் கட்டணச் சலுகை, தொழிலகம், நிறுவனத்திற்கு 50 சதவீதம் வரை சலுகையும் கிடைத்துள்ளது. இதுபோன்று புதுயுகத் தொழில் முனைவோா் சூழலை வலுப்படுத்தவும், அவற்றின் திறனை மேம்படுத்தவும் பிரதமா் நரேந்திர மோடி பல திட்டங்களைத் தொடங்கினாா். உதாரணமாக, முத்ரா திட்டம் மூலம் ரூ.10 லட்சம் முதல் ரூ.20 லட்சம் வரை பிணையில்லாமல் கடன் வழங்கப்படுகிறது.

புதுமையான கண்டுபிடிப்புகள் மற்றும் தொழில்முனைவோா் என்ற அடிப்படையில் ஸ்டாா்ட்-அப்கள் மிகப்பெரிய அளவில் ஊக்கமளிக்கப்படுகிறாா்கள்.

கடந்த ஒன்பது ஆண்டுகளில், பிரதமா் மோடி அறிவியலுக்கும் விஞ்ஞானிகளுக்கும் மதிப்பளித்துள்ளாா். அவரது சமீபத்திய அமெரிக்கப் பயணத்தின் போது கூட, செமிகண்டக்டா் முதல் விண்வெளி அறிவியல், நாசா ஒப்பந்தம் தொடா்பான பிரச்சனைகளே முக்கியப் பொருளாக விவாதிக்கப்பட்டது. இவற்றின் மூலம் புத்தாக்க குறியீட்டில் 81-ஆவது இடத்திலிருந்த இந்திய ா, தற்போது 31 இடத்திற்கு முன்னேறியுள்ளது.

நமது பாரம்பரிய அறிவை நவீன புத்தாக்க அறிவியலோடும் இணைக்க வேண்டும். பிரதமரின் தொலைநோக்குப் பாா்வையால் இன்று நாம் வளா்ந்த நாடுகளுக்கு சமமாக உள்ளோம். தொழில்நுட்பப் பயன்பாட்டில் மற்ற நாடுகளுக்கு சமமாக இருக்கிறோம். எடுத்துக்காட்டாக, குவாண்டம் கம்ப்யூட்டிங்கில், வளா்ந்த நாடுகளுக்கு இணையாக நாம் முன்னேறி உள்ளோம் என்றாா் இணையமைச்சா் ஜிதேந்திர சிங்.

நிகழ்ச்சியில் சிஎஸ்ஐஆா் இயக்குநா் ஜெனரல் கலைச்செல்வி பேசுகையில், ‘தேசிய அறிவுசாா் சொத்துரிமை விழா ஜூலை 31 வரை கொண்டாடப்படுகிறது’ என்றாா்.

குறிப்பு: படம் வாட்ஸ் ஆப்பில் வருகிறது.

படக்குறிப்பு : விழாவில் பேசுகிறாா் மத்திய இணையமைச்சா் டாக்டா் ஜிதேந்திர சிங். உடன், சிஎஸ்ஐஆா் இயக்குநா் ஜெனரல் கலைச்செல்வி.