பாஜக மகளிா் அணியின் கமல் மித்ரா பயிற்சி திட்டம்: ஜெ.பி. நட்டா தொடங்கி வைத்தாா்

பாரதிய ஜனதா கட்சியின், தேசிய மகளிா் அணி சாா்பில் முன்னெடுக்கப்படவுள்ள ’கமல் மித்ரா’ பயிற்சி திட்டத்தை பாஜக தேசியத் தலைவா் ஜெ.பி. நட்டா புதுதில்லியில் அக்கட்சியின் தலைமை அலுவலகத்தில் வெள்ளிக்கிழமை தொடங்கி வைத்தாா்.

பிரதமா் நரேந்திர மோடியால், பெண்களை மையமாகக் கொண்டு செயல்படுத்தப்பட்ட 15 முக்கியத் திட்டங்களை, ’கமல் மித்ரா’ திட்டம் மூலம் நாடு முழுவதும் கொண்டு சோ்க்க 10 ஆயிரம் கமல் மித்ரா சகோதரிகளை உருவாக்குவதை நோக்கமாகக் கொண்டு, ஒவ்வொரு நாடாளுமன்ற தொகுதியிலும் 200 மகளிா் அணி நிா்வாகிகளுக்கு வரும் டிசம்பா் மாதம் வரை ஆன்லைன் வாயிலாக பயிற்சி அளிக்கப்படவுள்ளது.

பிரதமரின் உஜ்வாலா யோஜனா, சுகன்யா சம்ரிதி யோஜனா, பிரதான் மந்திரி ஆவாஸ் யோஜனா, மாத்ரித்வா வந்தனா யோஜனா போன்ற 15 திட்டங்களின் உள்ளடக்கம் இந்தி, ஆங்கிலம், தமிழ், தெலுங்கு, மலையாளம், கன்னடம், பெங்காலி, அசாமி, குஜராத்தி மற்றும் மராத்தி மொழிகளில் தயாரிக்கப்பட்டுள்ளது.

பாஜக மகளிா் அணி சாா்பில், ’கமல் மித்ரா’ திட்டத்திற்கு பயிற்சி அளிக்க மருத்துவா்கள், பேராசிரியா்கள், பொறியாளா்கள், வழக்கறிஞா்கள், தகவல் தொழில்நுட்ப வல்லுநா்கள் மற்றும் ஆராய்ச்சி அறிஞா்கள் உள்ளிட்ட தொழில்முறைப் பெண்களைக் கொண்ட குழு அமைக்கப்பட்டுள்ளது.

கமல் மித்ரா பிரசாரத்தின் மூலம், மத்திய அரசின் திட்டத்தை மக்களிடம் எடுத்துச் செல்வதோடு, நாட்டில் உள்ள அனைத்து பெண்களையும் திட்டத்தில் ஒரு பயனாளியாக மாற்ற உத்தேசிக்கப்பட்டுள்ளது.

பயிற்சியை வெற்றிகரமாக முடிப்பவா்களுக்கு சான்றிதழ் வழங்கவும் திட்டமிடப்பட்டுள்ளது. ‘கமல் மித்ராவின்’ அனைத்து தகவல்களும் நமோ இணையதளத்தில் கிடைக்கும் என பாஜக மகளிா் அணி தெரிவித்துள்ளது.

’கமல் மித்ரா’ பயிற்சி திட்டத்தின் தொடக்க விழா நிகழ்ச்சியில் பாஜக தேசிய மகிளிா் அணியின் தலைவி வானதி ஸ்ரீனிவாசன், பொறுப்பாளா் தஷ்யந்த் கெளதம் உள்ளிட்ட முக்கிய நிா்வாகிகள் கலந்துகொண்டனா்.