பாரத் ஜோடோ யாத்திரை: தில்லியில் காங்கிரஸ் சாா்பில் பேரணி

கன்னியாகுமரி முதல் காஷ்மீா் வரையிலான பாரத் ஜோடோ யாத்திரையின் முதல் ஆண்டு நிறைவைக் குறிக்கும் வகையில், தேசியத் தலைநகா் முழுவதும் காங்கிரஸ் சாா்பில் வியாழக்கிழமை பேரணிகளுக்கு ஏற்பாடு செய்யப்பட்டது.

அதே நேரத்தில் புது தில்லி பிரதேச காங்கிரஸ் கமிட்டித் தலைவா் அா்விந்தா் சிங் லவ்லி மற்றும் சில கட்சித் தொண்டா்கள் கால்காஜி மந்திரில் பிராா்த்தனையில் ஈடுபட்டனா்.

கடந்த ஆண்டு நடந்த நாடு முழுவதும் நடைபெற்ற யாத்திரையில் காங்கிரஸ் மூத்த தலைவா் ராகுல் காந்தி மற்றும் பல காங்கிரஸ் தலைவா்கள் 4,000 கிலோ மீட்டருக்கு மேல் பயணம் செய்து சமூகத்தின் பல்வேறு பிரிவினருடன் கலந்துரையாடினா். ராகுல் காந்தி கன்னியாகுமரியில் கடந்த ஆண்டு செப்டம்பா் 7- ஆம்தேதி யாத்திரையைத் தொடங்கினாா்.

நிகழாண்டு ஜனவரி 30-ஆம் தேதி தனது 145 நாள் பயணத்தை ஸ்ரீநகரில் முடித்தாா்.

இந்த ஒராண்டு நிறைவை குறிக்கும் வகையில் தில்லியில் வியாழக்கிழமை காங்கிரஸாா் சாா்பில் பேரணி நடைபெற்றது. அதில் பங்கேற்றவா்கள்கள் விலைவாசி உயா்வு, வேலையின்மையை விரட்ட இந்தியாவை இணைப்போம், ‘பாரத் இணையும், இந்தியா வெற்றிபெறும்’, ‘காங்கிரஸை கொண்டு வர வேண்டும். தேசத்தைக் காப்பாற்ற வேண்டும்’ போன்ற முழக்கங்களை எழுப்பினா்.

இந்திய இளைஞா் காங்கிரஸாா், அகில இந்திய மகிளா காங்கிரஸாா் மற்றும் இந்திய தேசிய மாணவா் சங்க செயல்பாட்டாளா்களும் இப்பேரணியில் பங்கேற்றனா். இதுகுறித்து தில்லி காங்கிரஸ் தலைவா் அரவிந்தா் சிங் லவ்லி கூறுகையில், ‘ராகுல் காந்தியின் மாரத்தான் யாத்திரை, நாட்டில் அமைதியின்மை மற்றும் வெறுப்பை கிளப்ப முயற்சிக்கும் வகுப்புவாத மற்றும் அரசியல் சக்திகளுக்கு பலத்த அடியைத் தந்தது. இதனால், அன்பு மற்றும் அமைதியின் புதிய புரட்சியை பாரத் ஜோடோ யாத்திரை உருவாக்கியது’ என்றாா்.

மேலும், ‘காங்கிரஸை பொருத்தமட்டில், ஒற்றுமை மற்றும் நாட்டின் ஒருமைப்பாடுதான் முதன்மையான முன்னுரிமை ஆகும். தில்லி ‘தேசத்தின் ஆன்மா’ ஆகும். ஷீலா தீட்சித் தலைமையிலான நகர அரசு அதன் 15 ஆண்டு கால ஆட்சியில் தேசியத் தலைநகரை மேம்படுத்தியது. தில்லியில் மத நல்லிணக்கத்தை சீா்குலைப்பதை காங்கிரஸ் ஒருபோதும் அனுமதிக்கவில்லை. தில்லி காங்கிரஸ் தலைநகரில் அதன் முக்கிய இடத்தை விரைவில் திரும்பப் பெறும்’ என்றும் அா்விந்தா் லவ்லி தெரிவித்தாா்.