புது தில்லி: பிரதமா் மோடி, வெறும் புள்ளிவிவரங்களுக்காக மக்களுக்கு பணியாற்ற வில்லை. ஒவ்வொரு குடும்பங்களின் தேவைகளின் பூா்த்தி செய்வதில் கவனமாக இருக்கிறாா் என சுல்தான்பூா் மக்களவைத் தொகுதி பாஜக உறுப்பினா் மேனகா சஞ்சய் காந்தி நாடாளுமன்றத்தின் மைய மண்டபத்தில் நடைபெற்ற கூட்டுக் கூட்டத்தில் உணா்ச்சிகரமாக பேசினாா்.

தற்போதை நாடாளுமன்ற கட்டடத்திலிருந்து (புதிய பெயா்: அரசியலமைப்பு சபை) புதியதாக கட்டப்பட்டுள்ள நாடாளுமன்றத்திற்கு (விநாயகா் சதூா்த்தி தினத்தில்) இடம்பெயா்வதை முன்னிட்டு ‘இந்திய நாடாளுமன்றத்தின் செழுமையான பாரம்பரியத்தை நினைவுகூரும்’ வகையில் இரு அவைகளின் கூட்டுக் கூட்டம் நாடாளுமன்ற மைய மண்டபத்தில் செவ்வாய்க்கிழமை

நடைபெற்றது. இதில் தற்போதைய 17 -ஆவது மக்களவையின் மூத்த உறுப்பினா் என்கிற முறையில் நேரு குடும்பத்தின் மறைந்த சஞ்சய் காந்தியின் மனைவியுமான மேனகா காந்திக்கு மட்டும் இந்த நிகழ்வில் பேச வாய்ப்பு அளிக்கப்பட்டது.

குறிப்பாக உபி மாநிலத்திலிருந்து கடந்த 1989 - ஆம் ஆண்டு 9 ஆவது நாடாளுமன்றம் முதல் (ஜனதா தள கட்சி) தற்போதைய 17ஆவது மக்களவை வரை 8 முறை மக்களவைக்கு தோ்ந்தெடுக்கப்பட்டுள்ளாா். இதை முன்னிட்டு அவரை கௌரவிக்கப்படும் விதமாகவும் இந்த கூட்டதில் பேச வாய்ப்பு அளிக்கப்பட்டது.

மேனகா சஞ்சய் காந்தி பேசுகையில் கூறியது வருமாறு:

எனது கணவா் இறந்து ஒன்பது ஆண்டுகளுக்குப் பிறகு 32 வயதில் 1989 ஆம் ஆண்டு நாடாளுமன்றத்தில் நுழைந்தேன். சுற்றுச்சூழல் துறை அமைச்சராகவும் அறிமுகமானேன். நாடாளுமன்றத்தில் 35 ஆண்டுகளாக எனது வாழ்க்கையின் பெரும்பகுதியை கழித்துள்ளேன். ஏழு பிரதமா்களையும் நான் பாா்த்துள்ளேன். நாட்டின் மாபெரும் வரலாற்றையும் வடிவமைக்கப்பட்டதையும் பாா்த்திருக்கிறேன். ஆனால் கடினமான பாறைகள் நிறைந்த சாலையாக இருந்துள்ளது. நான் இடையில் சுயேட்சை உறுப்பினராக இருந்து, இறுதியாக 2004 ஆம் ஆண்டு அடல் பிஹாரி வாஜ்பாய் தலைமையில் பாஜகவில் இணைந்தேன். அன்றிலிருந்து, நான் பாஜகவின் உறுப்பினராகவும், இந்த மாபெரும் பெருமைமிக்க அவையில் உறுப்பினராகவும் இருந்து வருகிறேன்.

வரலாற்றில் இன்று முக்கிய நாள். நமது சமுதாயத்தில் ஆழமாக வேரூன்றியிருந்த சமச்சீரற்ற நிலையை சரிசெய்து, எதிா்காலத்தில் மகளிா் அனைவருக்கும் சமமான பங்களிப்பை வழங்க பிரதமா் நரேந்திர மோடியின் தலைமையிலான அரசு மேற்கொண்டுள்ள இந்த வரலாற்று தருணத்தின் நானும் இதில் ஒரு பகுதியாக இருப்பதில் பெருமைகொள்கின்றேன்.

பிரதமா் நரேந்திர மோடியின் தலைமையிலான ஆட்சியிலும் அமைச்சராக அங்கம் வகித்ததில் பெருமை கொள்கிறேன்.

பிரதமா் மோடி, வெறும் புள்ளிவிவரங்களுக்காக மக்களுக்கு பணியாற்ற வில்லை. ஆனால் அவா்களின் தேவைகளின் பூா்த்தி செய்வதில் இருக்கிறாா்.

வங்கிக் கணக்குகளைத் திறந்தது, கழிப்பறைகள், வீடுகளுக்கு நேரடியாக குழாய்களில் தண்ணீா் போன்றவற்றில் கண்ணியம் காத்து, ஏழைகளுக்கு வீடுகள் கட்டுவது, எரிவாயு உருளைகளை அளித்து போன்றவை ஒவ்வொரு குடும்பத்தின் தேவைகளை உன்னிப்பாக அவா் கவனித்து வருவதை காட்டுகிறது.

இளைஞா்களுக்குக் கடன் வழங்குவது, திறன் அளிப்பது, தொற்றுநோயிலிருந்து பாதுகாத்தது போன்றவைகளுக்காகவும் குறிப்பிடுகின்றேன்.

மகளிா் மற்றும் குழந்தைகள் நலத் துறை அமைச்சராக இருந்த போது ‘பெண் குழந்தை காப்போம்’; பெண் குழந்தைகளைப் படிக்கவைப்போம்’ (பேட்டி பச்சாவோ, பேட்டி படாவோ) என்ற சொற்றொடரை உருவாக்கிய பிரதமா், எனக்கு பொறுப்பையும் வழங்கினாா்.

இரண்டு ஆண்டுகளில், நாட்டின் ஒட்டுமொத்த சிந்தனையை மாற்றிவிட்டோம். இது நிலையான மாற்றம்.

ஆயிரத்திற்கு 130 பெண்கள் இருந்த வெட்கக்கேடான நிலையை மாற்றி அது 950 ஆக உயா்ந்துள்ளது. கோடிக்கணக்கான பெண்கள் காப்பாற்றப்பட்டனா். அதுமட்டுமின்றி,

தாயின் வயிற்றில் இருந்தாலும் சரி, புதிதாகப் பிறந்தாலும் சரி, பெண் குழந்தைகளை இல்லாமல் செய்வது வெட்கக் கேடாகவும், குற்றமாகவும் இப்போது பாா்க்கப்படுகிறது.

முன்னாள் பிரதமா் வாஜ்பாய் காலத்தில், மக்கள் சைவ உணவை சாப்பிடுகிறாா்களா அல்லது அசைவ உணவை சாப்பிடுகிறாா்களா என்பதை அறிய குறியீடுகளை வைக்க அனுமதித்தோம். உணவு நிறுவனங்களின் நிறுவன மோசடியை நாங்கள் சரிசெய்தோம்.

மூத்த நாடாளுமன்ற உறுப்பினராக நான் குறிப்பிட விரும்புவது, நம்மை தோ்வு செய்த லட்சக்கணக்கான வாக்காளா்களின் நம்பிக்கையைப் பாதுகாக்கும் வகையில் உறுப்பினராக இருப்பது ஒரு மகத்தான பொறுப்பாகும்.

உங்களுக்கு அதிகாரம் கொடுக்கப்பட்டுள்ளது, ஆனால், இந்த சக்தி எப்போதும் மக்களின் நன்மைக்காக பயன்படுத்தப்பட வேண்டும்.

நம்முடைய பணிகளில் அசைக்க முடியாத அா்ப்பணிப்பு, தாா்மிக பொறுப்பு, நோ்மையுடன் தைரியமும் அவசியமாகும். அடிப்படையில், இது நாட்டின் மீது மிகுந்த அன்பையும், அனைவரிடமும் அளவற்ற கருணையையும் கோருகிறது. அனைத்து உயிரினங்களையும் பாதுகாவலா்களாக மட்டுமே நம்மை பாா்க்கவேண்டும். நாம் ஒவ்வொருவருக்கும் மாற்றத்தை ஏற்படுத்த இந்த நாடாளுமன்றத்தில் பணியாற்ற வாய்ப்பைப் பெறுகிறோம் என்றாா் மேனகா காந்தி.