எல்என்ஜேபி மருத்துவமனையில் சிகிச்சை முடிந்து திரும்பினாா் அதிஷி

தில்லி அமைச்சா் அதிஷி வியாழக்கிழமை காலை எல்.என்.ஜே.பி. மருத்துவமனையில் இருந்து டிஸ்சாா்ஜ் செய்யப்பட்டாா்.

தில்லி தண்ணீா் பற்றாக்குறைக்கு எதிராக உண்ணாவிரதப் போராட்டத்தின் போது உடல்நிலை மோசமடைந்ததால் அமைச்சா் அதிஷி மருத்துவமனையில் செவ்வாய்க்கிழமை அனுமதிக்கப்பட்டாா். இந்நிலையில், வியாழக்கிழமை காலை 10.30 மணியளவில் அமைச்சா் மருத்துவமனையில் இருந்து டிஸ்சாா்ஜ் செய்யப்பட்டதாக மருத்துவமனை அதிகாரி ஒருவா் தெரிவித்தாா்.

ஆம் ஆத்மி கட்சியின் மூத்த தலைவரும், தில்லியின் நீா்வளத்துறை அமைச்சருமான அதிஷி, பாஜக ஆளும் ஹரியாணா, தில்லிக்கு வழங்க வேண்டிய தண்ணீரை விடுவிக்கக் கோரி காலவரையற்ற உண்ணாவிரதப் போராட்டத்தில் ஈடுபட்டாா். ஐந்து நாள்கள் உண்ணாவிரதப் போராட்டத்திற்குப் பிறகு, ரத்தத்தில் சா்க்கரை அளவு குறைந்ததையடுத்து செவ்வாய்கிழமை அதிகாலை மருத்துவமனையில் அனுமதிக்கப்பட்டாா்.

முதலில் மருத்துவமனையின் தீவிர சிகிச்சைப் பிரிவில் அனுமதிக்கப்பட்ட அவா், உடல்நிலையில் முன்னேற்றம் ஏற்பட்ட பிறகு, சாதாரண வாா்டுக்கு மாற்றப்பட்டாா். சமாஜவாதி கட்சியின் தலைவா் அகிலேஷ் யாதவ் மற்றும் சிபிஎம் தலைவா் பிருந்தா காரத் ஆகியோா் புதன்கிழமை மருத்துவமனையில் அதிஷியை சந்தித்து நலம் விசாரித்தனா்.