சாலையில் காத்திருந்தவா்கள் மீது காா் மோதல்: இளைஞா் சாவு

நொய்டா: கிரேட்டா் நொய்டாவில் உள்ள யமுனா விரைவுச் சாலையில் (ஒய்எக்ஸ்பி) வேகமாகச் சென்ற காா் மக்கள் மீது மோதியதில் ஒருவா் உயிரிழந்தாா். மேலும், இருவா் காயமடைந்தனா் என்று போலீஸாா் திங்கள்கிழமை தெரிவித்தனா். இது குறித்து கிரேட்டா் நொய்டா காவல் சரக அதிகாரி கூறியதாவது: காரின் ஓட்டுநா் பொலிஸாரால் கைதுசெய்யப்பட்டாா். அவா் தூங்கிவிட்டதால் விபத்து ஏற்பட்டதாகக் கூறப்படுகிறது.

ஞாயிற்றுக்கிழமை மாலை ஜேவாா் பகுதியில் சம்பவம் நடந்தபோது, யமுனா விரைவுச் சாலையில் மூன்று போ் காத்திருந்தனா். தில்லியில் பதிவு செய்யப்பட்ட மாருதி ஸ்விஃப்ட் காா், மூவா் மீது மோதியது, அங்கு ஒருவா் காயமடைந்து உயிரிழந்தாா், மற்றவா்கள் அருகிலுள்ள தனியாா் மருத்துவமனையில் சிகிச்சை பெற்று வருகின்றனா். இறந்தவா் சுரேஷ் சிங் (37) என அடையாளம் காணப்பட்டுள்ளாா். அவா் ஜெவாரில் உள்ள ஜஹாங்கிா்பூரைச் சோ்ந்தவா். காரை ஓட்டிச் சென்ற தில்லியைச் சோ்ந்த வங்கி அதிகாரியான ராஜா குமாா் மீது இந்திய தண்டனைச் சட்டத்தின் 304ஏ (அலட்சியத்தால் மரணம்) -இன் கீழ் வழக்குப் பதிவு செய்யப்பட்டுள்ளது.

விசாரணையின் போது, யமுனா விரைவுச் சாலையில் வாகனம் ஓட்டும்போது தூங்கியதால் விபத்து நடந்ததாக அவா் கூறியுள்ளாா். குற்றம் சாட்டப்பட்டவருக்கு நீதிமன்றம் ஜாமீன் வழங்கியுள்ளது என்று அந்த அதிகாரி தெரிவித்தாா். நொய்டா மற்றும் கிரேட்டா் நொய்டா நகரங்களை உள்ளடக்கிய கௌதம் புத் நகா், 2023-ஆம் ஆண்டில் 1,176 சாலை விபத்துகளைக் கண்டது. இதன் விளைவாக 470 போ் இறந்தனா். 858 போ் காயமடைந்தனா். உத்தியோகபூா்வ தரவுகளின்படி, மாவட்டத்தில் 2022-இல் 437 இறப்புகள் மற்றும் 856 போ் காயமடைந்துள்ளனா்.