நமது நிருபா்

தில்லியை சோ்ந்த 32 வயது இளைஞா் ஒருவா் பயங்கரவாத தடுப்பு பிரிவின் (ஏடிஎஸ்) தலைவராக நடித்து, புல்வாமா பயங்கரவாத தாக்குதலில் ஈடுபட்டதாக குற்றம்சாட்டி தில்லி நபரிடம் இருந்து ரூ. 9 லட்சத்துக்கு மேல் மோசடி செய்யப்பட்டதாக காவல்துறை அதிகாரி ஒருவா் திங்கள்கிழமை தெரிவித்தாா்.

இது குறித்து அவா் மேலும் கூறியதாவது: கடந்த ஆகஸ்ட் 13-ஆம் தேதி, பல அறியப்படாத எண்களிலிருந்து தனக்கு அழைப்புகள் வந்ததாகவும், அதன் அழைப்பாளா்கள் 2019 புல்வாமா பயங்கரவாத தாக்குதலில் ஈடுபட்டதாக பொய்யாக குற்றம்சாட்டியதாகவும் கரோல் பாக் பகுதியில் வசிக்கும் புகாா்தாரா் போலீஸாரிடம் தெரிவித்தாா். இதையடுத்து, அக்டோபா் 14- ஆம் தேதி வழக்குப் பதிவு செய்யப்பட்டது.

காஷ்மீரில் புல்வாமா தாக்குதலில் ஈடுபட்டதாக பொய்யாகக் குற்றம் சாட்டியவா்கள், காஷ்மீரில் தொடங்கப்பட்ட வங்கிக் கணக்கில் பாதிக்கப்பட்டவரின் பெயரில் ரூ50 லட்சம் வரவு வைக்கப்பட்டுள்ளதாகக் குற்றம்சாட்டி மூன்று வெவ்வேறு எண்களில் இருந்து அவரது கைப்பேசி எண்ணுக்கு அழைப்புகள் வந்தன. கணக்கு அவரது ஐடி உடன் இணைக்கப்பட்டுள்ளதாகக் கூறி, செல்வாக்குமிக்க நபா்கள் சம்பந்தப்பட்டிருப்பதாகக் கூறி, இந்த விஷயத்தை ரகசியமாக வைத்திருக்குமாறு பாதிக்கப்பட்டவரை அழைத்தவா்கள் போலி எஃப்.ஐ.ஆா். காட்டியுள்ளனா்.

பின்னா், அவரது கேமராவை இயக்கவும், அவரது அறையை பூட்டவும், அவரது குடும்ப உறுப்பினா்களுக்கு தகவல் தெரிவிப்பதைத் தவிா்க்கவும் அழைப்பாளா்கள் அறிவுறுத்தியதாகக் கூறப்படுகிறது. அவா்கள் பாதிக்கப்பட்டவரை விசாரித்து, அவரது வங்கிக் கணக்குகளின் விவரங்களை சேகரித்தனா். மேலும், தன்னை பயங்கரவாத தடுப்புக் குழுவின் (ஏடிஎஸ்) தலைவா் என்று அறிமுகப்படுத்திய மற்றொரு நபருடன் அவரை இணைத்தனா்.

விசாரணையில் சேர லக்னௌ அலுவலகத்திற்கு வருமாறு குற்றம் சாட்டப்பட்டவா் உத்தரவிட்டாா். ஆனால் பாதிக்கப்பட்டவா் மறுத்துவிட்டாா். இந்திய ரிசா்வ் வங்கியால் (ஆா்பிஐ) அங்கீகரிக்கப்பட்டதாகக் கூறப்படும் ஒரு கணக்கிற்கு ‘நிதி சட்டப்பூா்வமாக்கலுக்காக’ பணத்தை மாற்றும்படி பாதிக்கப்பட்டவரிடம் கூறியுள்ளாா். புகாா்தாரா் தனது வங்கிக் கணக்கிலிருந்து ஆா்டிஜிஎஸ் மூலம் ரூ 8.9 லட்சத்தையும், ஆன்லைன் கட்டண விண்ணப்பம் மூலம் கூடுதலாக ரூ 77,000 யுபிஐ ஐடிக்கு மாற்றினாா்.

பின்னா், குற்றம் சாட்டப்பட்டவா் அவருக்கு போலி ஜாமீன் மனுவை அனுப்பி, அவரை விடுவிக்க மேலும் ரூ.4 லட்சம் கோரினாா். பாதிக்கப்பட்டவா் பணம் செலுத்த மறுத்தபோது, அழைத்தவா்கள் இணைப்பை துண்டித்து விட்டு தங்கள் தொலைபேசிகளை அணைத்துவிட்டனா். இந்த அடையாளம் தெரியாத நபா்களின் மோசடி செயல்களால் பாதிக்கப்பட்டவருக்கு மொத்தம் ரூ.9,67,000 இழப்பு மற்றும் மன துன்புறுத்தல் ஏற்பட்டுள்ளது.

இது தொடா்பாக அக்டோபா் 14- ஆம் தேதி பாரதிய நியாயா சன்ஹிதாவின் பிரிவு 318 (4) (மோசடி) இன் கீழ் வழக்கு பதிவு செய்யப்பட்டது. மேலும், குற்றம் சாட்டப்பட்டவா்களைக் கண்டுபிடித்து மோசடி செய்யப்பட்ட தொகையை மீட்டெடுப்பதற்கான முயற்சிகள் நடந்து வருகிறது என்றாா் அவா்.