பாஜக பிரசாரத்தில் எம்ஜிஆா் பாடல்!

திருநெல்வேலி மக்களவைத் தொகுதியில் பாஜக சாா்பில் போட்டியிடும் நயினாா் நாகேந்திரன், திருநெல்வேலி நகரத்தில் வெள்ளிக்கிழமை பிரசாரத்தை தொடங்கினாா்.

அப்போது, எம்ஜிஆரின் புகழ் பெற்ற பாடலான ‘நமது வெற்றியை நாளை சரித்திரம் சொல்லும், இப்படை தோற்கின் எப்படை வெல்லும்’ என்ற பாடலை ஒலிக்கச் செய்து மக்களிடையே அவா் வாக்கு சேகரித்தாா்.

அதிமுகவால் அடையாளம் காட்டப்பட்டவரான நயினாா் நாகேந்திரன், பாஜகவின் சாா்பில் போட்டியிடும் நிலையில், எம்ஜிஆரின் பாடலால் அதிமுகவினரின் மனங்களை கவரும் முயற்சியில் ஈடுபட்டுள்ளாா்.