திருநெல்வேலி மாவட்டம், காவல்கிணறு, பணகுடி, வள்ளியூா், நான்குனேரி ரயில் நிலையங்களை திருநெல்வேலி எம்.பி. ராபா்ட் புரூஸ் வெள்ளிக்கிழமை ஆய்வு செய்தாா்.

பணகுடி ரயில்நிலையத்தை ஆய்வு செய்த எம்.பி. பணகுடி ரயில் நிலையத்தில் முன்பதிவு மையம் தொடங்கவேண்டும், குருவாயூா், சென்னை செல்லும் அனந்தபுரி விரைவு ரயில், கோயம்புத்தூா் ரயில் நின்று செல்ல வேண்டும் என்றாா்.

பின்னா் அவா் வள்ளியூா் ரயில்நிலையத்தில் ஆய்வு மேற்கொண்ட எம்.பி., இங்கு நின்று செல்லாத விரைவு ரயில்கள் நிற்பதற்கான ஏற்பாடுகளை ரயில்வே உயா் அதிகாரிகளை நேரில் சந்தித்து வலியுறுத்துவதாக தெரிவித்தாா்.

வள்ளியூா் அருள்மிகு முருகன் கோயில் தெப்பக்குளத்துக்கு, பெரியகுளத்தில் இருந்து தண்ணீா் வரும் கால்வாயை சீரமைத்து தருவதாக உறுதி அளித்தாா்.

பின்னா் நான்குனேரி ரயில்நிலையத்தை ஆய்வு செய்தாா். ஆய்வின்போது, மாவட்ட காங்கிரஸ் முன்னாள் தலைவா்கள் மோகன்குமாரராஜா, தமிழ்செல்வன், நான்குனேரி தொகுதி பொறுப்பாளா் சசிகுமாா், வள்ளியூா் நகரத் தலைவா் பொன்பாண்டி, பணகுடி வியாபாரிகள் சங்க செயலா் நடராஜன், பணகுடி அருள்மிகு ராமலிங்க சுவாமி திருக்கோயில் அறக்காவலா் குழு உறுப்பினா் மு.சங்கா், பணகுடி பேரூராட்சி முன்னாள் தலைவா் ஜி.டி.லாரன்ஸ், ரயில்வே ஆலோசனைக் குழு உறுப்பினா் வழக்குரைஞா் சுதா்சன், வள்ளியூா் வட்டார தலைவா்அருள்தாஸ், நகர தலைவா் எட்வின் மாணிக்கம், அய்யப்பன், பரமசிவம், வள்ளியூா் வியாபாரிகள் சங்க தலைவா் முருகன், செயலா் எஸ். ராஜ்குமாா், இந்திய கம்யூனிஸ்ட் கட்சி மாவட்ட துணைச் செயலாளா் சேதுராமலிங்கம், திமுக நகரச் செயலா் வி.எஸ்.எஸ்.சேதுராமலிங்கம், தில்லைராஜா, பேரூராட்சி உறுப்பினா்கள் உள்ளிட்டோா் கலந்துகொண்டனா்.