குமரி மாவட்டம், குளச்சல் கடலில் மீன்பிடிக்கச் சென்ற மீனவர் விசைப்படகில் இருந்து கடலில் தவறி விழுந்து உயிரிழந்தார்.
குளச்சலைச் சேர்ந்த நெல்சன் என்பவரின் விசைப்படகில் புதன்கிழமை காலை குளச்சல் மீன்பிடி துறைமுகத்தில் இருந்து மீனவர்கள் மீன்பிடிக்கச் சென்றனர். குளச்சலைச் சேர்ந்த ஜான் மரியவியான்னி(46) என்பவரும் அதில் இருந்தார். படகு புறப்பட்டபோது படகில் இருந்து அவர் கடலில் தவறி விழுந்தார்.  சக மீனவர்கள், ஜான் மரியவியான்னியை காப்பாற்ற முயன்றனராம்.
அதற்குள் அவர் கடலில் மூழ்கி உயிரிழந்தார். பின்னர், அப்பகுதி மீனவர்கள் உதவியுடன் ஜான் மரியவியான்னியை போலீஸார் தேடினர். உயிரிழந்த நிலையில் அவரது உடல் கிடைத்தது.  இது குறித்து குளச்சல் கடலோரக் காவல்படை போலீஸார் வழக்குப் பதிந்து விசாரணை நடத்தி வருகின்றனர்.