சாத்தான்குளம் தச்சமொழி அருள்மிகு ஸ்ரீசுடலைமாட சுவாமி கோயிலில் சனிக்கிழமை (மே 26) வருஷாபிஷேக விழா நடைபெறுகிறது.
இதையொட்டி காலை 8 மணிக்கு அனுக்ஞை, விக்னேஸ்வர பூஜை, தீப லட்சுமி பூஜை, சங்கல்பம், வேதிகார்ச்சனை, மூர்த்தி ஹோமம், அஸ்த்ர ஹோமம், பூர்ணாஹுதி, தீபாராதனை, 10.30 மணிக்கு விமான அபிஷேகம், ஸ்ரீசக்தி அம்மன், ஸ்ரீசுடலைமாட சுவாமி மற்றும் பரிவார மூர்த்திகளுக்கு வருஷாபிஷேக மகா கும்பாபிஷேகம், தீபாராதனை ஆகியவை நடைபெறுகின்றன.
பிற்பகல் 12.30 மணிக்கு அன்னதானம் நடைபெறுகிறது. ஏற்பாடுகளை கோயில் நிர்வாகக் குழுத் தலைவர் க. கணபதி தலைமையில் நிர்வாகிகள் செய்து வருகின்றனர்.