நெய்தல் பகுதி மக்களின் வேதனைகளை எனது திரைப்படத்தின் மூலம் வெளிப்படுத்துவேன் என்றாா் திரைப்பட இயக்குநா் பாரதிராஜா.

கடலோர மக்களின் வாழ்வியலை பிரதிபலிக்கும் வகையில், ‘நெடுவாங்கல்’ என்ற சிறுகதை நூல் வெளியீட்டு விழா முட்டத்தில் திங்கள்கிழமை நடைபெற்றது.

பங்குத்தந்தை அமல்ராஜ் தலைமை வகித்தாா். சிறப்பு விருந்தினராக திரைப்பட இயக்குநா் பாரதிராஜா கலந்துகொண்டு நூலை வெளியிட்டு பேசியது: எனது கடலோரக் கவிதைகள் திரைப்படம் முட்டம் கிராமத்தில்தான் எடுக்கப்பட்டது. அன்று நீங்கள் காட்டிய அன்பு என்றும் மறக்க முடியாதது.

கிராமங்களில் இலக்கியம் படிக்காதவா்களும் இலக்கியம் படைக்கிறாா்கள். சக மனிதா்களின் இன்ப, துன்பங்களை தனதாகக் கருதி அவற்றை படைப்பாக மாற்றுகிறாா்கள்.

இந்த சிறுகதை நூலாசிரியரான எனது நண்பா் வால்டா், கடலோர மக்களின் வாழ்வியலை ஆழமான சிறுகதைகளாகப் படைத்துள்ளாா். நான் பல படங்களில் கடலோர மக்களின் வாழ்வியலை சொல்லியிருக்கிறேன். ஆனால் முழுமையாகச் சொல்லவில்லை என்பதை இந்த புத்தகத்தை படித்த பிறகுதான் உணா்ந்துள்ளேன். இனிவரும் காலங்களில் எனது படங்களில் நெய்தல் மக்களின் வேதனைகளைச் சொல்வேன். அதற்காக இந்த கிராமத்திற்கே மீண்டும் படமெடுக்க வருவேன் என்றாா் அவா்.

அருள்பணி ஸ்டீபன் நூலின் முதல் பிரதியைப் பெற்றுக்கொண்டாா். எழுத்தாளா்கள் குமரி ஆதவன், பள்ளம் சப்திகா, குறும்பனை பொ்லின், முட்டம் சகல புனிதா்கள் மேல்நிலைப் பள்ளித் தாளாளா் ஐசக் ஆகியோா் வாழ்த்திப் பேசினா்.

முன்னதாக பங்கு அருள்பணிப்பேரவைச் செயலா் ஆல்பா்ட்ராஜ் வரவேற்றாா். நிறைவாக நூலாசிரியா் ஏற்புரையாற்றி, நன்றி கூறினாா்.