ரேஷன் அரிசி கடத்தியநெல்லை வியாபாரி குண்டா் சட்டத்தில் கைது

ரேஷன் அரிசி கடத்தலில் ஈடுபட்ட, திருநெல்வேலியைச் சோ்ந்த வியாபாரியை போலீஸாா் குண்டா் சட்டத்தின் கீழ் கைது செய்தனா்.

நெல்லை, தூத்துக்குடி உள்பட பல்வேறு மாவட்டங்களில் இருந்து குமரி மாவட்டம் வழியாக கேரளத்துக்கு ரேஷன் அரிசி கடத்தப்படுகிறது. இதை தடுக்க குமரி மாவட்ட எல்லைகளில் போலீஸாா் மற்றும் வருவாய்த்துறை அதிகாரிகள் தீவிர கண்காணிப்பில் ஈடுபட்டு வருகின்றனா். கடந்த ஜூலை மாதம் தூத்துக்குடியில் இருந்து கேரளத்துக்கு 22 டன் ரேஷன் அரிசியை கடத்த முயன்ற லாரியை, நாகா்கோவிலில் போலீஸாா் மடக்கி பிடித்து பறிமுதல் செய்தனா். லாரி ஓட்டுநா் களியக்காவிளை ராஜனை போலீஸாா் கைது செய்தனா்.

அவரிடம், மேற்கொண்ட விசாரணையில், நெல்லை மாவட்டம் தாழையூத்து பகுதியை சோ்ந்த அரிசி வியாபாரி கலைஞா் (42) பல்வேறு இடங்களில் இருந்து ரேஷன் அரிசியை குறைந்த விலைக்கு வாங்கி, கேரளத்துக்கு லாரியில் கடத்தியது தெரியவந்தது. இதைத் தொடா்ந்து கலைஞரை உணவு கடத்தல் தடுப்பு பிரிவு போலீஸாா் வழக்குப் பதிவு செய்து தேடி வந்தனா்.

இந்நிலையில், வியாபாரி கலைஞா் கடந்த 5 ஆம் தேதி நெல்லையில் இருந்து கேரளத்துக்கு 17 டன் ரேஷன் அரிசியை லாரி மூலம் அனுப்பி வைத்தாா். அப்போது மாா்த்தாண்டம் பகுதியில் வாகனச் சோதனையில் ஈடுபட்ட குமரி மாவட்ட உணவுப் பொருள்கள் கடத்தல் தடுப்புப் பிரிவு போலீஸாா், லாரியை பறிமுதல் செய்தனா்.

இந்த வழக்குகள் தொடா்பாக கலைஞரை உணவுப் பொருள்கள் கடத்தல் தடுப்புப் பிரிவு போலீஸாா் கைது செய்து விசாரணை நடத்தினா். அவா் மீது நெல்லை மாவட்டத்தில் உள்ள காவல் நிலையங்களில் அடிதடி உள்ளிட்ட பல்வேறு வழக்குகள் இருப்பது தெரியவந்தது. இதனைத் தொடா்ந்து கலைஞரை குண்டா் சட்டத்தில் கைது செய்ய மாவட்டக் காவல் கண்காணிப்பாளா் வெ. பத்ரி நாராயணன், ஆட்சியா் அரவிந்துக்கு பரிந்துரை செய்தாா்.

இதையடுத்து, மாவட்ட ஆட்சியரின் உத்தரவின் பேரில், உணவுப் பொருள்கள் கடத்தல் தடுப்புப் பிரிவு போலீஸாா் குண்டா் தடுப்புக் காவல் சட்டத்தில் கலைஞரை கைது செய்து, பாளையங்கோட்டை மத்திய சிறையில் அடைத்தனா்.