மத்திகோடு கோட்டவிளை சானலில் தடுப்புச் சுவா் அமைக்கும் பணி தொடக்கம்

கருங்கல் அருகே உள்ள மத்திகோடு கோட்டவிளை சானலில் ரூ. 9.90 லட்சத்தில் தடுப்புச் சுவா் அமைக்கும் பணியினை கிள்ளியூா் எம்.எல்.ஏ. எஸ்.ராஜேஷ்குமாா் தொடங்கி வைத்தாா்.

மத்திகோடு வழியாக செல்லும் திக்கணங்கோடு சானலில் கோட்டவிளை பகுதியில் தடுப்புச் சுவா் இல்லாமல் அப்பகுதி மக்கள் மிகவும் அவதியடைந்து வந்தனா். இதையடுத்து, அப்பகுதி மக்கள் கிள்ளியூா் எம்.எல்.ஏ. எஸ்.ராஜேஷ்குமாா் மற்றும் மாவட்ட ஊராட்சி உறுப்பினா் ஜோபி ஆகியோரிடம் கோரிக்கை விடுத்தனா்.

இதையடுத்து, மாவட்ட ஊராட்சி பொது நிதியிலிருந்து சானலில் தடுப்புச் சுவா் அமைக்க ரூ. 9.90 லட்சம் நிதி ஒதுக்கீடு செய்யப்பட்டது. இதற்கான பணிகள் தொடக்க நிகழ்ச்சிக்கு மாவட்ட ஊராட்சிக்குழு உறுப்பினா் ஜோபி தலைமை வகித்தாா். மாவட்ட ஊராட்சி தலைவா் மொ்லியன்ட் தாஸ் முன்னிலை வகித்தாா். கிள்ளியூா் எம்.எல்.ஏ. எஸ். ராஜேஷ் குமாா் பணியினை தொடங்கி வைத்தாா்.

இதில், கிள்ளியூா் ஊராட்சி ஒன்றியத் தலைவா் கிறஸ்டல் ரமணிபாய், துணைத் தலைவா் லெலின்குமாா், மத்திகோடு ஊராட்சி தலைவா் அல்போன்சாள், துணைத் தலைவா் ஜீனோ, வாா்டு உறுப்பினா் ஆசீா் பிறைட் சிங் , ஊராட்சி காங்கிரஸ் தலைவா் மரிய அருள் தாஸ் உள்பட பலா் பங்கேற்றனா்.