கோயில்களை திறக்க வலியுறுத்தி 41 கோயில்கள் முன்பு இந்து முன்னணி போராட்டம்

சுசீந்திரம் தாணுமாலயசுவாமி கோயில் முன்பு கற்பூரம் ஏற்றி போராட்டத்தல் ஈடுபட்ட இந்து முன்னணியினா்.

நாகா்கோவில், ஜூன் 25 : பக்தா்களின் வழிபாட்டுக் கோயில்களை திறக்க வேண்டும் என்ற கோரிக்கையை வலியுறுத்தி குமரி மாவட்டத்தில் இந்து முன்னணியின் சாா்பில் 41 கோயில்கள் முன்பு கற்பூரம் ஏற்றும் போராட்டம் வெள்ளிக்கிழமை நடைபெற்றது.

கரோனா கட்டுப்பாடு காரணமாக கோயில்களில் பக்தா்கள் வழிபாட்டுக்கு அனுமதிக்கப்படவில்லை. இதை கண்டித்தும், கோயில்களை திறக்க வலியுறுத்தியும், இந்து முன்னணியின் சாா்பில், இந்து சமய அறநிலையத் துறை கோயில்களில் முன்பு கற்பூரம் ஏற்றி வழிபாடும், மாநிலம் தழுவிய ஆா்ப்பாட்டம் வெள்ளிக்கிழமை நடத்தப்பட்டது.

அதன்படி, நாகா்கோவில் ஸ்ரீ நாகராஜா கோயில் முன்பு கிழக்கு மாநகரத் தலைவா் மகாராஜா தலைமையில் இப்போராட்டம் நடைபெற்றது. மாவட்டச் செயலா் நம்பிராஜன் நிா்வாகிகள் மணிகண்டன், காந்தி வெங்கடேஷ்,முகேஷ், சுரேஷ்பாபு ,ரமேஷ், சிவகுமாா் ,பிரபஞ்சன் அசோகன் உள்ளிட்டோா் கலந்து கொண்டனா். மாவட்டத் தலைவா் ராஜேஸ்வரன் உரையாற்றினாா்.

சுசீந்திரம் தாணுமாலய சுவாமி திருக்கோயில் முன்பு ஒன்றியத் தலைவா் செல்வன் தலைமையில் போராட்டம் நடைபெற்றது. பொதுச் செயலா் சிவா, மாவட்ட துணைத் தலைவா்கள் வேலாயுதன், சுரேஷ்குமாா், சுபாஷ், பேச்சாளா் எஸ்.பி. அசோகன் உள்ளிட்டோா் கொண்டனா். மாவட்டச் செயலா் நம்பிராஜன் உரையாற்றினாா்.

மண்டைக்காடு பகவதியம்மன் கோயில், திங்கள்நகா் ராதாகிருஷ்ணன் கோயில் முன்பு நடைபெற்ற ஆா்ப்பாட்டத்தில், இந்து முன்னணி நெல்லை கோட்டச் செயலா் மிசாசோமன் உரையாற்றினாா்.

இதே போல, திருவட்டாறு ஆதிகேசவபெருமாள் கோயில், திருநந்திகரை சிவன் கோயில் உள்பட 41 கோயில்கள் முன்பு இந்து முன்னணியினா் போராட்டத்தில் ஈடுபட்டனா்.