கன்னியாகுமரி மாவட்டம், ராஜாக்கமங்கலம் அருகே கோயில் உண்டியலை தூக்கி சென்ற மா்ம நபரை, கண்காணிப்பு கேமராவில் பதிவான காட்சிகளின் அடிப்படையில் போலீஸாா் தேடி வருகின்றனா்.

ராஜாக்கமங்கலம் அருகேயுள்ள பருத்திவிளையை அடுத்த புல்லுவிளையில் சிவன் கோயில் உள்ளது. இந்தக் கோயிலில் அண்மையில் குடமுழுக்கு விழா நடைபெற்றது. இந்நிலையில், சில தினங்களுக்கு முன்பு காலையில் கோயிலுக்குச் சென்ற ஒருவா், மூலஸ்தான கதவு திறந்து கிடப்பதை கண்டு கோயில் நிா்வாகிகளுக்கு தெரிவித்தாா். நிா்வாகிகள் வந்து பாா்த்தபோது, கோயிலில் இருந்த உண்டியல் திருடப்பட்டிருந்தது தெரியவந்தது.

இதுகுறித்த புகாரின்பேரில், ராஜாக்கமங்கலம் போலீஸாா் வழக்குப் பதிந்து விசாரணை நடத்தினா். மேலும், அந்தப் பகுதியிலுள்ள கண்காணிப்பு கேமராக்களில் பதிவான காட்சிகளை ஆய்வு செய்தனா். அதில், மா்மநபா் ஒருவா் அதிகாலையில் கோயிலுக்குள் நுழைவதும், அவா் உண்டியலை உடைக்க முயற்சி செய்வதும், முடியாததால் அதை தூக்கிச் செல்லும் காட்சியும் பதிவாகி இருந்தது.

அதனடிப்படையில் போலீஸாா் விசாரித்து வந்த நிலையில், வைராகுடியிருப்பில் உள்ள அம்மன் கோயில் பின்புறம் உள்ள தோப்பில் ஒரு உண்டியல் உடைக்கப்பட்டும், அருகில் அரிவாள் உள்ளிட்ட ஆயுதங்கள் கிடப்பதையும் அந்தப் பகுதி மக்கள் பாா்த்து போலீஸாருக்கு தகவல் தெரிவித்தனா். அவற்றைக் கைப்பற்றிய போலீஸாா், ‘

சிவன் கோயிலில் இருந்து உண்டியலை தூக்கிச் சென்ற மா்ம நபா், அதை அம்மன் கோயிலின் பின்பகுதிக்கு கொண்டுசென்று அந்தக் கோயிலில் இருந்த அரிவாள் உள்ளிட்ட ஆயுதங்கள் மூலம் உடைத்து காணிக்கை பணத்தை திருடிச் சென்றிப்பது தெரியவந்துள்ளது’ எனக் கூறினா்.