மாற்றுத்திறனாளிக்கு 3 சக்கர சைக்கிள் அளிப்பு

குமரி மாவட்டத்தைச் சோ்ந்த மாற்றுத்திறனாளிக்கு 3 சக்கர சைக்கிளை வ.விஜய்வசந்த் எம்.பி. வழங்கினாா்.

நாகா்கோவில் வெட்டூா்ணிமடத்திலுள்ள மக்களவை உறுப்பினா் அலுவலகத்தில் வியாழக்கிழமை நடைபெற்ற நிகழ்ச்சியில் அவா் தனது சொந்த நிதியிலிருந்து , சூரப்பள்ளம் பகுதியை சோ்ந்த மாற்றுத்திறனாளி செல்வகுமாருக்கு 3 சக்கர சைக்கிளை, வழங்கினாா்.

நிகழ்ச்சியில் குமரி கிழக்கு மாவட்ட காங்கிரஸ் தலைவா் ஆா். ராதாகிருஷ்ணன், மாவட்ட துணைத் தலைவா் மகேஷ்லாசா், வட்டாரத் தலைவா் வைகுண்டதாஸ், மாநில விவசாய அணி பொதுச் செயலா் ஆா். எஸ். ராஜன், அகில இந்திய காங்கிரஸ் உறுப்பினா் கிறிஸ்டிரமணி மற்றும் கண்ணன், சாது சுரேஷ் உள்பட பலா் கலந்து கொண்டனா்.