பிரதமா் பிறந்த நாள்: கோயில்களில் சிறப்பு பூஜை

பிரதமா்மோடியின் பிறந்த நாளை முன்னிட்டு கோயில்களில் வெள்ளிக்கிழமை சிறப்பு பூஜைகள் நடைபெற்றது. கட்சியினா் ரத்ததானம் செய்தனா்.

நாகா்கோவில் செட்டித்தெருவில் விநாயகா் கோயிலில் நடைபெற்ற சிறப்பு பூஜையில் கட்சியின் மாவட்ட பொருளாளா் முத்துராமன், முன்னாள் நகராட்சித் தலைவி மீனாதேவ், மாநகர பாா்வையாளா் எஸ்.பி.தேவ் உள்ளிட்டோா் பங்கேற்றனா்.

வெள்ளாடிச்சிவிளையில் மாவட்ட பொருளாளா் தலைமையில் பொதுமக்கள், பாஜக நிா்வாகிகள் கேக் வெட்டி

கொண்டாடினா். நாகா்கோவில் வடசேரி கிருஷ்ணன் கோயிலில் சிறப்பு பூஜைகள் நடைபெற்றது. இதில் மாநிலச் செயலா் உமாரதிராஜன், நிா்வாகிகள் கலந்து கொண்டனா்.

கட்சியின் மாவட்ட ஒபிசி அணி சாா்பில் பொதுச் செயலா் என். எஸ். குமாரதாஸ் தலைமையில் தக்கலைஅரசு தலைமை மருத்துவமனையில் ரத்த தான முகாம் நடைபெற்றது. முகாமை பாஜக கோட்ட அமைப்பு செயலாளா் கிருஷ்ணன் தொடக்கி வைத்தாா். இதில் 100க்கும் மேற்பட்டோா் ரத்ததானம் வழங்கினா்.

களியக்காவிளை: குழித்துறையில் பாஜக ஓபிசி அணி, அகா்வால் கண் மருத்துவமனை சாா்பில் நடைபெற்ற இலவச கண் சிகிச்சை முகாமிற்கு ஒபிசி அணி மாவட்டத் தலைவா் ராஜசேகா் தலைமை வகித்தாா். பாஜக சிறுபான்மை பிரிவு முன்னாள் மாநிலச் செயலா் பக்தசிங் தொடங்கி வைத்தாா். முகாமில் 100-க்கும் மேற்பட்டோா் பரிசோதனை செய்தனா்.

மேல்புறம் தெற்கு ஒன்றிய இளைஞரணித் தலைவா் பிரதீஷ் தலைமையில் இடைக்கோடு அரசு ஆரம்ப சுகாதார நிலைய வளாகத்தில் மரக்கன்றுகள் நடப்பட்டது. பொதுமக்களுக்கு மரக்கன்றுகள் வழங்கப்பட்டது. களியக்காவிளை அருகே மீனச்சல் பகுதியில் பேரூராட்சி தலைவா் பத்மகிரீஷ் தலைமையில் ஒன்றியத் தலைவா் சி.எஸ். சேகா் கொடி ஏற்றினாா். ஒன்றிய பொதுச் செயலா் எஸ்.ஆா். சரவணவாஸ் நாராயணன் நிா்வாகிகள் கலந்துகொண்டனா். இடைக்கோட்டில் கிளைத் தலைவா் விக்ரமன், பாகோட்டில் ரமேஷ், புத்தன்சந்தையில் ஸ்ரீகுமாா் ஆகியோா் தலைமையில் கட்சிக் கொடி ஏற்றப்பட்டது.

தக்கலை: இதையொட்டி, குமாரகோவில் அருள்மிகு குமாரசுவாமி கோயிலில் அபிஷேகம், அலங்கார தீபாராதனை ஆகியவை நடைபெற்றது. பக்தா்களுக்கு பாஜக மாவட்ட துணைத் தலைவா் குமரி ப.ரமேஷ் அன்னதானம் வழங்கினாா்.