பேச்சிப்பாறை அருகே ரப்பா் தோட்டத் தொழிலாளி தூக்கிட்டுத் தற்கொலை செய்து கொண்டாா்.

குற்றியாறு மாங்காமலையைச் சோ்ந்தவா் நாகராஜன் (50). அரசு ரப்பா் கழகத்தில் பால் வடிக்கும் தொழிலாளியாக பணி செய்து வந்த இவா், கடந்த 3 மாதத்திற்கு முன்பு பணிக்குச் செல்லும் போது தவறிவிழுந்ததில் தலையில் காயம் ஏற்பட்டு ஆசாரிப்பள்ளம் மருத்துவக் கல்லூரி ஆஸ்பத்திரியில் சிகிச்சை பெற்று பின்னா் வீடு திரும்பினாா்.

இந்நிலையில் கடந்த 2 நாள்களுக்கு முன்பு தெருக்குழாயில் குளித்து விட்டு வருவதாக கூறிச் சென்ற நாகராஜன், பின்னா் வீடு திரும்பவில்லை. இது குறித்து நாகராஜனின் மனைவி தெற்றி, பேச்சிப்பாறை காவல் நிலையத்தில் புகாா் கொடுத்தாா்.

இந்நிலையில் புதன்கிழமை இங்குள்ள இரும்பு வேலி கம்பத்தில் நாகராஜன் உடுத்தியிருந்த துண்டால் தூக்கிட்டுத் தற்கொலை செய்திருப்பது தெரியவந்தது.

முதியவா் பலி: மாா்த்தாண்டம் அருகேயுள்ள காஞ்சிரங்கோடு, தோட்டன்விளையைச் சோ்ந்தவா் ரவி (61). இவா், உடல்நலக் குறைவால் அவதிப்பட்டு வந்தாராம். இந்நிலையில், புதன்கிழமை தனது வீட்டில் தூக்கிட்டுத் தற்கொலை செய்துகொண்டது தெரியவந்தது.

கருங்கல்:புதுக்கடை அருகேயுள்ள வேங்கோடு, குன்றுவிளை பகுதியைச் சோ்ந்த பால்ராஜ் என்பவரது மனைவி தங்கபாய் (54). இவா் சில நாள்களாக நோயால் அவதிப்பட்டாராம். இந்நிலையில், வியாழக்கிழமை வீட்டில் யாரும் இல்லாதபோது விஷ மாத்திரை தின்று மயங்கிய நிலையில் கிடந்தாராம். அவரை அப்பகுதியினா் மீட்டு ஆசாரிப்பள்ளம் அரசு மருத்துவமனையில் அனுமதித்தனா். அங்கு அவா் இறந்தாா்.

இச்சம்பங்கள் குறித்து பேச்சிப்பாறை , மாா்த்தாண்டம், புதுக்கடை போலீஸாா் வழக்குப் பதிந்து விசாரித்து வருகின்றனா்.