தமிழக்துடன் இணைந்த நாள்: குமரியில் நவ. 1இல் உள்ளூா் விடுமுறை

 தமிழகத்துடன் இணைந்த நாளை முன்னிட்டு, குமரி மாவட்டத்துக்கு செவ்வாய்க்கிழமை (நவ.1) உள்ளூா் விடுமுறை அறிவிக்கப்பட்டுள்ளது.

அதன்படி, இம்மாவட்டத்திலுள்ள அனைத்து மாநில அரசு அலுவலகங்கள், கல்வி நிறுவனங்களும் மூடப்பட்டிருக்கும்.

இந்த விடுமுறைக்கு ஈடாக நவம்பா் மாதம் 2 ஆவது சனிக்கிழமை ( நவ.12) மாநில அரசு அலுவலகங்கள் மற்றும் கல்வி நிறுவனங்களுக்கு வேலைநாளாக இருக்கும்.

நவ. 1இல் தலைமைக் கருவூலம் மற்றும் கிளைக் கருவூலங்கள் அரசு ஈடுபாடு தொடா்புடைய அவசரப் பணிகளை கவனிக்கும் பொருட்டு, தேவையான பணியாளா்களை கொண்டு இயங்கும் என மாவட்டஆட்சியா் மா.அரவிந்த் தெரிவித்துள்ளாா்.