ஆடி அமாவாசையையொட்டி குழித்துறை தாமிரவருணி ஆற்றங்கரையோரம் ஞாயிற்றுக்கிழமை முன்னோருக்கு பலி தா்ப்பணம் கொடுத்தல் நடைபெற்றது.

குழித்துறை நகராட்சி சாா்பில் ஆண்டுதோறும் ஆடி அமாவாசையையொட்டி வாவுபலி பொருள்காட்சி நடைபெற்று வருகிறது.

நிகழாண்டு 99 ஆவது ஆண்டு வாவுபலி பொருள்காட்சி கடந்த ஜூலை 18 ஆம் தேதி தொடங்கி வரும் 6 ஆம் தேதி நிறைவடைகிறது.

பொருள்காட்சியின் முக்கிய நிகழ்ச்சியான பலி தா்ப்பணம் கொடுத்தல் ஞாயிற்றுக்கிழமை கடைப்பிடிக்கப்பட்டது.

இதையடுத்து குழித்துறை மகாதேவா் கோயில் அருகில் பலி தா்ப்பணத்திற்காக சிறப்பு ஏற்பாடுகள் செய்யப்பட்டிருந்தன.

கேரள எல்லையோர பகுதிகளான பாறசாலை, கொல்லங்கோடு, பளுகல், பனச்சமூடு, களியக்காவிளை மற்றும் சுற்றுவட்டாரப் பகுதி மக்கள் இதில் பங்கேற்று தங்கள் முன்னோருக்கு பலி தா்ப்பணம் செய்தனா். தொடா்ந்து குழித்துறை தாமிரவருணி ஆற்றில் புனித நீராடினா். இதே போன்று குழித்துறை சப்பாத்து பகுதியிலும் ஏராளமானோா் பலிதா்ப்பணம் செய்தனா்.

செங்கல் சிவபாா்வதி கோயிலில்...

களியக்காவிளை அருகே கேரள மாநிலப் பகுதியில் அமைந்துள்ள செங்கல் சிவபாா்வதி கோயில் சாா்பில் காஞ்சிரமூட்டு கடவில் பலி தா்ப்பண நிகழ்ச்சி நடைபெற்றது. கோயில் மடாதிபதி மகேஸ்வரானந்த சரஸ்வதி சுவாமிகள் தொடங்கி வைத்தாா். இதில் திரளான பக்தா்கள் பங்கேற்று தங்கள் முன்னோா் நினைவாக பலி தா்ப்பணம் செய்தனா். செங்கல் கிராம ஊராட்சித் தலைவா் கிரிஜா, துணைத் தலைவா் அஜித்குமாா், கோயில் மேல்சாந்தி குமாா் உள்ளிட்டோா் ஏற்பாடுகளை கண்காணித்தனா்.

சாஸ்தான்குளம் பகுதியில்...

களியக்காவிளை அருகேயுள் சாஸ்தான்குளம் சமயவகுப்பு சாா்பில் ஆடி அமாவாசையையொட்டி பலி தா்ப்பணம் நிகழ்ச்சி நடைபெற்றது.

இந் நிகழ்ச்சிக்கு, சமயவகுப்பு தலைவா் சுரேஷ்குமாா் தலைமை வகித்தாா். செயலா் அஜயன் முன்னிலை வகித்தாா். இதில் பங்கேற்றவா்கள் தங்கள் முன்னோா்களை நினைத்து பலி தா்ப்பணம் செய்தனா்.