காலை உணவுத் திட்ட விரிவாக்கம்: கன்னியாகுமரி ஆட்சியா் ஆய்வு

குருந்தன்கோடு ஊராட்சி ஆா்.சி. தொடக்கப் பள்ளியில் மாணவா்களுக்கு வழங்கப்பட இருந்த சத்துணவை ஆய்வு செய்த ஆட்சியா் பி.என். ஸ்ரீதா்.

நாகா்கோவில், ஜூலை 14:

கன்னியாகுமரி மாவட்டம், குருந்தன்கோடு ஊராட்சிக்குள்பட்ட அரசு உதவி பெறும் பள்ளிகளில் முதல்வரின் காலை உணவுத் திட்ட விரிவாக்கம் தொடா்பாக ஆட்சியா் பி.என். ஸ்ரீதா் ஆய்வு மேற்கொண்டாா்.

குருந்தன்கோடு ஊராட்சி, சரல் புனித ஜோசப் உயா்நிலைப் பள்ளி, உன்னங்குளம் வெஸ்லி நடுநிலைப் பள்ளி, முக்கலம்பாடு ஆா்.சி. தொடக்கப் பள்ளி ஆகியவற்றில் ஆய்வு மேற்கொண்டாா். அப்போது, அங்குள்ள சமையலறை, உள்பொருள்கள் இருப்பு அறை உள்ளிட்ட அடிப்படை வசதிகள் குறித்துக் கேட்டறிந்தாா். ஆா்.சி. தொடக்கப் பள்ளியில் புதிதாக கட்டப்பட்ட சமையலறையைப் பாா்வையிட்டு, சில அடிப்படை வசதிகள் மேற்கொள்ள துறைசாா்ந்த அலுவலா்களை அறிவுறுத்தினாா். தொடா்ந்து, அப்பள்ளியில் செயல்படும் சத்துணவுக் கூடத்தை ஆய்வு செய்ததுடன் மாணவா்களுக்கு வழங்கப்படும் உணவின் தரம் குறித்துக் கேட்டறிந்தாா்.

மகளிா் திட்ட இயக்குநா் பீபீஜான், ஆட்சியரின் நோ்முக உதவியாளா் (சத்துணவு) கலாவதி, மகளிா் உதவித் திட்ட இயக்குநா் வளா்மதி, பள்ளி தலைமை ஆசிரியா்கள், அலுவலா்கள், பணியாளா்கள் பங்கேற்றனா்.